Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ପରିତ୍ରାୟକ ହେ - ପ୍ରୀତିପ୍ରିୟା ମହାନ୍ତି

ପରିକଳ୍ପିତ ଏଇ ତୁମ ସଂସାରରେ,
ପରିଗମିତ ସଭିଏଁ ତୁମ ନିର୍ଦ୍ଦେଶରେ।

ପରିଚୟ ମୋହର କି ତୁମକୁ ଅଜଣା,
ପରିଜ୍ଞାତ ମୁଁ ତୁମର ଅତି ଜଣାଶୁଣା।

ପରିକୃଶ ଅଟଇ ମୁଁ ସ୍ୱଳ୍ପ ଚେତାଯୁକ୍ତ,
ପରିବେଦ ଭରିଦିଅ ଚିତ୍ତରେ ତ୍ୱରିତ।

ପରିଚାଳକ ତୁମେ ତ ଏଇ ଜଗତର,
ପରିମର୍ଷି ମହାପ୍ରଭୁ ଶିଘ୍ର ଦୂର କର।

ପରିକ୍ଳିଷ୍ଟ ମୁଁ ଯେ ତବ ମାୟା ବନ୍ଧନରେ,
ପରିକ୍ଷତ ପ୍ରାଣ ମୋର ଏ ମିଛ ସଂସାରେ।

ପରିତାପ ତ ଏତିକି ରହିଲା ମୋହର,
ପରିଜ୍ଞାନ ନ କରି ଥିଲି ତୋ' ଠୁ ଦୂର।

ପରିଶେଷରେ ବିନତି ଜଣାଏ ଏତିକି,
ପରିଶରଣ କାଳେ ନେବୁ ତୋର କତିକି।

ପରିକର ହୋଇ ତୁମ କରୁଥିବି ସେବା,
ପରିକୀର୍ତ୍ତନ ତୁମର କରୁଥିବି ସଦା।

ପରିକ୍ରମା କରୁଥିବି ତୁମ ଗୁଣ ଗାଇ,
ପରିଖ୍ୟାତ କରାଇବି ବିଶ୍ୱ ଦ୍ୱାରେ ନେଇ।

ପରିତ୍ରାୟକ ଆହେ ଜଗତର କର୍ତ୍ତା
ପରିଣତ ବୟସରେ ଜଣାଏ ମୋ ବାର୍ତ୍ତା।


ମୟୂରଝାଲିଆ, ରଣପୁର, ନୟାଗଡ଼

Post a Comment

0 Comments