Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ତୁମେ ଗଲା ପରେ ପରେ - ପ୍ରକାଶ କୁମାର ଚାନ୍ଦ

ତୁମେ ଗଲା ପରେ ପରେ
ଋତୁ ଆସୁନାହିଁ ଫୁଲ ଫୁଟୁନାହିଁ
ନଈ ଅଭିମାନ କରେ
ଜହ୍ନ ହସୁନାହିଁ ପକ୍ଷୀ ଗାଉନାହିଁ
ତୁମେ ଗଲା ପରେ ପରେ ।

ତୁମେ ଥିଲ ମୋର ପାହାନ୍ତି ସପନ
ପୂରୁବ ଆକାଶ ତାରା
ତୁମେ ଥିଲ ମୋର ସୁନେଲି ସୁନେଲି
ସକାଳ ସୂରୁଯ ଖରା
ଖରା ମାଡୁନାହିଁ ଛାଇ ପଡୁନାହିଁ
ଅଧାବାଟୁ ସଞ୍ଜ ଫେରେ
ଜହ୍ନ ହସୁନାହିଁ ...... ।।

ତୁମ ପାଇଁ ଲେଖେ ହଜାର କବିତା
ଲେଖେ ମୁଁ ହଜାରେ ଗପ
ତୁମ ପାଇଁ କରେ ଶହେ ମାନସିକ
ଦେଉଳେ ଜାଳି ମୁଁ ଦୀପ
ନିଆଁ ଧରୁନାହିଁ ଦୀପ ଜଳୁନାହିଁ
ଆଶାର ଆକାଶ ମରେ
ଜହ୍ନ ହସୁନାହିଁ.... ।।


ପ୍ରକାଶ କୁମାର ଚାନ୍ଦ
ଜୟପୁର ଶାସନ, ପିପିଲି, ପୁରୀ
ମୋ- ୯୮୫୩୩୫୪୯୩୮

Post a Comment

0 Comments