Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ସମ୍ପର୍କର ଛିଟା ନିବିଡ଼ ବନ୍ଧୁତା - ସଦାନନ୍ଦ ସାହୁ

ନିବିଡ଼ ସମ୍ପର୍କ କରେନା ବିତର୍କ
ବନ୍ଧୁତାର ନିଦର୍ଶନ ;
ବନ୍ଧୁମୋର ହସେ ସରାଗରେ ସତେ
ବିମୋହିତ ମନ ପ୍ରାଣ !!
ବନ୍ଧୁ ମାନେନାହିଁ ଜାତିକି ଅଜାତି
ଧନୀ ଗରିବର ଭେଦ;
ବନ୍ଧୁର ହୃଦୟ ଗଙ୍ଗାଠୁ ନିର୍ମଳ
ପବିତ୍ରତା ମହାମନ୍ତ୍ର !!
ଜୀବନପଥରେ ବନ୍ଧୁ ମଧ୍ୟଚାଲେ
ଭୂମିକା ନିର୍ବାହ କରି ;
ବିପଦ ଆପଦେ ବନ୍ଧୁ ଧାଇଁଆସେ
ସମ୍ପର୍କର ଖିଅ ଧରି !!
ପ୍ରକୃତ ବନ୍ଧୁର ଏଇ ପରିଚୟ
ରାଜ ଦ୍ୱାରେ ଶମସାନେ ;
ଉତ୍ସବ ବ୍ୟତ୍ସନେ ରହେ ଉପସ୍ଥିତ
କୋଟି ଜନମନ ଜିଣେ !!
ଦେଇ ଆଶ୍ୱସନା ପୋଛି ଦିଏ ଲୁହ
ସଙ୍କଟରେ ଥିଲେ ବନ୍ଧୁ ;
ବନ୍ଧୁ ଏକା ବୁଝେ ଦରଦୀ ହୃଦୟେ
ନୟନୁ ନିଗାଡ଼ି ବିନ୍ଦୁ !!
ଶୁଭ ଅବସରେ ଏ ବନ୍ଧୁତା ଦିବସେ
କରୁଛି ମୁଁ ନିବେଦନ ;
ଆହେ ବନ୍ଧୁଗଣ ରଖ ବନ୍ଧୁପଣ
ମନରେ ନରଖି ଆନ !!
ମଧୁର ସମ୍ପର୍କ ଗଢିବ କୋଣାର୍କ
ସ୍ମୃତି ଦୀପ୍ତିମୟ ହୋଇ ;
ଉଦ୍ଭାସିତ ହେବ ଏସାରା ବିଶ୍ୱରେ
ବନ୍ଧୁତା 'ର ଗାଥା ଗାଇ !!
ବିଶ୍ୱସମୁଦାୟ ଏକ ପରିବାର
ବନ୍ଧୁତା' ତ ସେତୁ ବନ୍ଧ ;
ସେତୁବନ୍ଧେ ଚାଲ ଧରି ସର୍ବେ ହସ୍ତ
କାନ୍ଧକୁ ମିଳାଇ କାନ୍ଧ ;!!


ସଦାନନ୍ଦ ସାହୁ
ଧୁରୁଷୀଆ, ଆଠଗଡ, କଟକ

Post a Comment

0 Comments