ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଆହତ ହୃଦୟ - ପ୍ରଶାନ୍ତ କୁମାର ନାଥ

ଆହତ ହୃଦୟ - ପ୍ରଶାନ୍ତ କୁମାର ନାଥ

ଭୁଲିବି ବୋଲି ଭାବିଲେ ଯେତେ
ମନେ ପଡୁଛୁ ମୋର ତୁ ସେତେ
ପାଗଳ କରେ ଛବି ତୋହର
ଆଖିରୁ ଝରେ ଲୋତକ ଧାର ।
ସପନ ଦେଖେ ତୋତେଲୋ ନିତି
ଜଳେଇ ମାରେ ମୋତେ ତୋ ସ୍ମୃତି
ତୁ ସିନା ମୋତେ କରିଛୁ ପର
ହେଲେ ମୋ ମନେ ତୋଲିଛୁ ଘର ।
ରଖିଲି ତୋତେ ମନରେ ନେଇ
ସେପାଇଁ ମୋତେ ଦେଲୁ ଦୁରେଇ
ତୋପାଖେ ଥିଲା ଖୁସି ମୋହର
ପିଆଇ ଦେଲୁ ଦୁଃଖ ଜହର ।
ଆଖିରେ ନାଚେ ତୋହରି ଛବି
ଦିନ ମୋ ବିତେ ତୋକଥା ଭାବି
ଥିଲୁ ତୁ ଦିନେ ଅତି ନିଜର
ସାଜିଲୁ ଆଜି ତୁ ସାତ ପର ।
ତୋବିନା ବଞ୍ଚି ପାରିବି ନାହିଁ
କହିଲି ପ୍ରିୟା ତୋତେଲୋ ମୁହିଁ
ସେପାଇଁ ମତେ ଦୁରେଇ ଦେଲୁ
ସତ କି ମିଛ ପ୍ରମାଣ ନେଲୁ ।
ସେମିତି ସିନା ମୋ ହାତ ଗୋଡ଼
ହେଲେ ମୁଁ ପ୍ରିୟା ସାଜିଛି ଜଡ
ମନଟା ମୋର ଯାଇଛି ମରି
ତୋତେଲୋ ଖାଲି ହେଉଛି ଝୁରି ।
ସାଜିଛି ଆଜି ଜୀଅନ୍ତା ଶବ
ବାଧୁଛି ମୋତେ ତୋର ଅଭାବ
ଜଣିନି କେତେ ଭଲରେ ଅଛୁ
କେତେ ଖୁସିରେ ଦିନ କାଟୁଛୁ ।
ଦେବିନି ପ୍ରିୟା ତୋତେ ମୁଁ ଦୋଷ
କରିବି କାହିଁ ମିଛରେ ରୋଷ
ଭଲ ପାଇଲି ହୃଦୟ ଦେଇ
ହୃଦୟ କାନ୍ଦେ ସେପ୍ରେମ ପାଇଁ ।
ଥରୁଟେ ମୋର ଜୀବନ ଆସି
ଦେଇଛୁ ମୋତେ ଅନେକ ଖୁସି
ଦେବି ମୁଁ କାହିଁ ଦୋଷ କାହାର
ନଥିଲୁ ପ୍ରିୟା ଭାଗ୍ୟରେ ମୋର

0 Comments