OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ତୋ ପାଇଁ ସହଜ - ସିଦ୍ଧେଶ୍ଵର ତ୍ରିପାଠୀ

ତୋ ପାଇଁ ସହଜ - ସିଦ୍ଧେଶ୍ଵର ତ୍ରିପାଠୀ

କେତେ ଭଲପାଇ କେତେଯେ ଭୁଲିବା
ତୋ ପାଇଁ ସହଜ କଥା
ତୋତେ ଭୁଲିବାକୁ ଭାବିଲା ବେଳକୁ
ମୋ ଛାତିରେ ଭରେ ବ୍ୟଥା ।

ଶ୍ରାବଣେ ଭିଜେଇ ଫଗୁଣେ ସଜେଇ
ସାଜିଲୁ ପ୍ରେମୀକା ମୋର
ଲୁହ ଝରେଇତୁ କହିଥିଲୁ ଦିନେ
ହେବୁ ବୋଲି ଆପଣାର ।

ଶୀତୁଆ ରାତିରେ ସ୍ମିତହାସ୍ୟ ଦେଇ
ନୁଆଇଁ ଥିଲୁତୁ ମଥା
କେତେ ଭଲପାଇ କେତେଯେ ଭୁଲିବା
ତୋ ପାଇଁ ସହଜ କଥା - - - - -

ମୁଁ ଯେ ଏକା ନୁହେଁ ଏମିତି ଅନେକ
ପ୍ରେମିକ ଅଛନ୍ତି ତୋର
କେତେ ତୁ ଗଢିଛୁ କେତେତୁ ଭାଙ୍ଗିଛୁ
ବିଶ୍ୱାସର ବତୀଘର ।

କୂଳକି କିନାରା ନପାଇ ହଜିଛି
କେତେ ନୌକାର ସତ୍ତା
କେତେ ଭଲପାଇ କେତେଯେ ଭୁଲିବା
ତୋ ପାଇଁ ସହଜ କଥା ।


କେତେ ମନନେଇ ଭାଙ୍ଗିଦେଲୁ ତୁହି
ହସି ହସି ସହଜରେ
କେତେଯେ ନୀରିହ ଛନ୍ଦି ହୋଇଛନ୍ତି
ତୋର ଛଳନା ଛନ୍ଦରେ ।


କେତେ ପ୍ରେମିକଙ୍କ ପ୍ରାଣ ଗଲା ପରେ
ଜଳୁଛି ଦେଖରେ ଚିତା
କେତେ ଭଲ ପାଇ କେତେଯେ ଭୁଲିବା
ତୋ ପାଇଁ ସହଜ କଥା - - - -


ସିଦ୍ଧେଶ୍ବର ତ୍ରିପାଠୀ

0 Comments