Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ପ୍ରୀତି ପ୍ରିୟତମା ଭୁଲିବନି ଜମା - ସଦାନନ୍ଦ ସାହୁ

ପ୍ରୀତି ପ୍ରିୟତମା ଭୁଲିବନି ଜମା
ତୁମେ ମୋ ସପନ ଆଖି ;
ଅଭୁଲା ସ୍ମୃତିର ତୁମେ ମୋ ସନ୍ତକ
ଚନ୍ଦ୍ର ସୂର୍ଯ୍ୟ ପରା ସାକ୍ଷୀ !!

ଭଲ ପାଇବାର ସବୁ ସମର୍ପଣ
ଅଜାଡ଼ି ଦେଇଚି ପ୍ରିୟା ;
ଆଉ ଯଦି କିଛି ରହିଚି କି ବାକି
କହି ଦିଅ ପ୍ରିୟା ଶ୍ରେୟା !!

ଭଲମୁଁ ପାଉଚି ଭଲ ପାଉଥିବି
ଏ ଜୀବନ ଥିବା ଯାଏ ;
ମୁଁ ପ୍ରେମର ପ୍ରେମିକ ସାଜିବିନି ଶଠ
ପ୍ରେମରୁ ମହକ ପାଏ !!

ପ୍ରେମ ଫଗୁଣର ସବୁ ହସ ଫୁଲ
ତୋଳିଚି ମୁଁ ଶରଧାରେ ;
ଜୋଛନା ରାତିରେ ମୋପ୍ରିୟା ଗଭାରେ
ଖୋସି ଦେବି ସରାଗରେ !!

ଫଗୁଣ ଆସିଲେ ବେଶି ମନ ଝୁରେ
ଶୁଭ ଲଗନ କୁ ଦେଖି ;
ପ୍ରେମ ମନ ଭଷା ବୁଝେନି ମୋ ପ୍ରିୟା
କେମିତି ମୁଁ ହେବି ସୁଖୀ !!

ପ୍ରେମର ସ୍ୱାକ୍ଷର ସୁହାଗ ସିନ୍ଦୁର
ପ୍ରିୟା ସିନ୍ଥୀ ମୋର ଖାଲି ;
ପ୍ରେମର ସ୍ୱୀକୃତି ରହିଚି ମୋ ବାକି
ଦେବି ମୁଁ ସିନ୍ଦୁର ବୋଳି !!

ପ୍ରେମ ନୀଡ଼ ସ୍ୱପ୍ନ ନୁହେଁ କେଵେ ପାପ
ପ୍ରେମହିଁ ସାଶ୍ୱତ ଛବି ;
ପବିତ୍ର ପ୍ରେମରେ ଲାଗେନା କଳଙ୍କ
ଏ କଥା କୁହଇ କଵି !!

ପ୍ରେମିକ ସମାଜ ଏକଥା କୁ ହେଜ
ପ୍ରେମତ ମହାର୍ଘ୍ୟ ଦୀପ ;
ସମର୍ପଣ ଭାବ ପ୍ରେମ ମହାମନ୍ତ୍ର
କର ସର୍ବେ ଉଜ୍ଜୀବିତ !!

ଆମେ ହଜିଗଲେ ଦୂର ଆକାଶରେ
ସାବକେ ପାଳିବେ ପ୍ରଥା ;
ପ୍ରେମ ଛାଇଆମ ହେବପ୍ରତିବିମ୍ବ
ଆମ ପ୍ରେମ ହେବ ଗାଥା !!


ସଦାନନ୍ଦ ସାହୁ, କାରାକର୍ମଚାରୀ,
କେନ୍ଦ୍ରୀୟ କାରାଗାର ,ଚୌଦ୍ୱାର, କଟକ

Post a Comment

0 Comments