Information

ଅଫେରା - ରାଜେଶ ପୂଜାରୀ

ଜୀମୂତମାଳାରୁ ଜନ୍ମି
ଟୋପାଏ ଅମୃତ
କିଛି ଦୂର ଆସିଲି ବଢ଼ି
କିଛି କ୍ଷଣ ପରେ
ଭାବିହେଲା
କାହିଁକି ଆସିଲି ମୋ
ଜନ୍ମଭୂମି ଛାଡ଼ି
କ'ଣ ଲେଖା କପାଳେ
ମିଶିଯିବି ମାଟିରେ
ଅବା ଭାଗ୍ୟ ଯିବ ଫିଟିରେ !

ରହି ରହି
ଗଲା ବହି
ଉତ୍ତରା ପବନ
ଜଳାଧିଶ ତନୁ ମନ
କରିଲା ଚୁମ୍ବନ
ଆନମନା ହେଲା ବାତାବରଣ
ଚାତକ ଶାମୁକା ଏକ
ଚାହିଁ ଥିଲା ଆକାଶ ଆଡ଼କୁ
ତୃଷିତ ମୁଖ ମେଲାଇ
ପଡ଼ିଲା ମୁହଁ ରେ ଯାଇ ଅମୃତ ଟୋପାକ
ଦୈବାତ ମୁକ୍ତା ଗଲା ହେଇ।

ଠିକ୍ ସେହିପରି
ଘରୁ କାଢ଼ିବା ବେଳେ ପାଦ
ବିଷାଦ ହିଁ ବିଷାଦ
ହେଲେ ବାହାରେ
ମିଳିଯାଏ ଏପରି କିଛି
ଯେ ପାଶୋରି ଯାଆନ୍ତି ସବୁ କିଛି।


କୁଶମେଲ, ଝାରସୁଗୁଡ଼ା

Post a Comment