ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

କି ଦୋଷ ଥିଲା ମୋହର - ଫିରୋଜ କୁମାର ପଟେଲ

କି ଦୋଷ ଥିଲା ମୋହର - ଫିରୋଜ କୁମାର ପଟେଲ

ଆଜିଠୁ ବନ୍ଦ କଲି
ତୁମକୁ କବିତାରେ ଆଙ୍କିବାର
ଆଜିଠୁ ବନ୍ଦ କଲି
ତୁମ ଶ୍ରାବଣରେ ଭିଜିବାର
ଏବେଠୁ ହିଁ ରଦ୍ଧ କଲି
ତୁମ ସ୍ମୃତି ଆକାଶରେ ଉଡାଣ
ବନ୍ଦ... ହଁ ସବୁ ବନ୍ଦ ।

ଶ୍ରାବଣ ଉଜାଉ ଥାଉ
ବସନ୍ତର ମଳୟ ପରସ
ପ୍ରକୃତିକୁ ମତୁଆଲା କରୁ
ମୋର କ’ଣ ଯାଏ ଆସେ ?

ସ୍ପନ୍ଦନ ଚାଲୁ ନିରନ୍ତର
ଜୀବନର ପ୍ରମାଣ ଦେବାକୁ
ମୋ ପ୍ରତି ଅଙ୍ଗେ ଲାଗୁ ନିଆଁ
ମତେ ପ୍ରତିକ୍ଷଣ ମାରିବାକୁ ...
ଠିକ୍ ଅଛି ଚାଲ...,
ତୁମ ପାଷାଣ ହେବାର ଅଭିନୟରେ
ଆଜିଠୁ ମୁଁ ବି ସାମିଲ ହେବି
ହେଲେ ମୋ ମନ ହିମାଳୟ ତରଳେଇ
ଯେଉଁ ଗଙ୍ଗା ଗଢିଛ
ତାକୁ ରୋକିବି କେମିତି ?

ବଡ଼ ଅଜବ୍
ଏ କୂଟନୀତି ତୁମର
ଚୁପ୍ ରହିଲ କିଆଁ, ଜବାବ ଦିଅ
କୁହ ତ ଥରେ
କି ଦୋଷ ଥିଲା ମୋହର?




ଫିରୋଜ୍ କୁମାର ପଟେଲ, ଅବନକେଲା, ସୁନ୍ଦରଗଡ

0 Comments