Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ରଥଯାତ୍ରା - ମିନତୀ ପ୍ରଧାନ

କାଳିଆ !
ତୁ ତ ବାହାରୁ ରଥ ଯାତରା ରେ
ବରଷକୁ ଥରେ
ଭାଇ-ଭଉଣୀଙ୍କ ସହ |
ସଚ୍ଚା ଭକ୍ତ ଯିଏ ,
ଚାହିଁ ରହିଥାଏ ଅଷାଢ ମାସ କୁ
ତୁଟାଇ ନପାରି
ତତେ ଦେଖିବାର ମୋହ |

ଆଜି କିନ୍ତୁ ଏଇ ପବିତ୍ର ଯାତ୍ରାଟି
ପାଲଟିଛି ବାଣିଜ୍ୟିକ |
ନେତା, ମନ୍ତ୍ରୀ ଆଉ ବେପାରୀ
ମାନଙ୍କ, ସମ୍ବରଣ ନାହିଁ
ପ୍ରସିଦ୍ଧ ହେବାର ଭୋକ |

ଚ୍ୟାନେଲ, ବ୍ୟାନର, ଯେତେ ରାଜନୀତି
ସବୁ ତୋ' ଆଢରେ ଚଳେ |
ଦେଖାଣିଆ ଭାବ, ଅଯଥା ଚର୍ଚାରେ
ଏକ ଆରେକକୁ ବଳେ |

ଭକ୍ତି, ଶ୍ରଦ୍ଧା ଆଉ ସାଧୁତା,
ସପନ ହୋଇଛି,
ନିସ୍ଵାର୍ଥପରତା ତ
କେବେଠୁ ଗଲାଣି ଉଡି |
ସାଲବେଗ ଆଉ ଦାସିଆ ବାଉରି
କେବେ ଜନ୍ମିବେ କିଏ ବା କହିବ ପାରି?

ରଥଯାତ୍ରାର ମାହାତ୍ମ୍ୟକୁ ନେଇ
କେତେ କେତେ ଆଲୋଚନା,
ଜୀବନ ଯାତ୍ରାରେ ଆପଣେଇ ତାକୁ,
ମଣିଷ ଜାତିଟା ମହାନ ହୋଇଲେ,
ହୁଏତ ପୁରିବ ସଭିଙ୍କ ମନ କାମନା |


Minati Pradhan, A 301 Surabhi Apartments, Bilekahalli, Bangalore -560076

Post a Comment

0 Comments