OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ତୁମ ଇଚ୍ଛା ପୂର୍ଣ୍ଣ ହେଉ - ପ୍ରଫୁଲ୍ଲ ଚନ୍ଦ୍ର ମିଶ୍ର

ତୁମ ଇଚ୍ଛା ପୂର୍ଣ୍ଣ ହେଉ - ପ୍ରଫୁଲ୍ଲ ଚନ୍ଦ୍ର ମିଶ୍ର

ଜଗନ୍ନାଥ
ତୁମକୁ ଡାକୁଛି ମୁଁ ଅନାଥ ହେ , ଜଗନ୍ନାଥ…।।

ଶୁଣିଥଲି ତୁମେ ପରା ପ୍ରାଣିଙ୍କୁ ଦିଅ ଆସରା
ମୋ ଜୀବନ ଦୁଃଖ ଘେରା କଙ୍କରିତ ପଥ ହେ , ଜଗନ୍ନାଥ…।।

ନେତ ପତିତପାବନ ମୋହପାଇଁ କିଆଁ ବାମ
ତୁମେ ଦେଇଥିବା ଦାନ ଛଡ଼ାଇ ନେଉଛ ହେ , ଜଗନ୍ନାଥ…।।

ଅନାଥ ବୋଲି ଠାକୁର କରିଲ ମନ୍ଦ ବେଭାର
ଯଶ କିରତୀ ତୁମର ହେବ କଳଂକିତ ହେ , ଜଗନ୍ନାଥ…।।

କିପରି ଏ ତୋ ଆଶ୍ରୟ କେମିତିକା ଦୟାମୟ
ଦୁଃଖ ଭୟରେ ଅଥୟ ମେଦିନୀ ଚକିତ ହେ , ଜଗନ୍ନାଥ…।।

ମୁଁ ଛାର ନଗଣ୍ୟ ନର କି ଦାଉ ସାଧ ଠାକୁର
ବୁଝିବି କେମିତି ତୋର ଏହି ଲୀଳାମୃତ ହେ , ଜଗନ୍ନାଥ…।।

ଇଚ୍ଛାମୟ ମହାବାହୁ ତୁମ ଇଚ୍ଛା ପୂର୍ଣ୍ଣ ହେଉ
ଜୀବନର କାଳ ରାହୁ ହେଉ ଅସ୍ତମିତ ହେ , ଜଗନ୍ନାଥ…।।

ଡାକଇ ପ୍ରଫୁଲ୍ଲ ଦ୍ୱିଜ ଆହେ ପ୍ରଭୁ ଦେବରାଜ
ସାହା ହୁଅ ରମାକାନ୍ତ ମୋର ପ୍ରାଣ ନାଥ ହେ , ଜଗନ୍ନାଥ…।।

0 Comments