Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଫେରି ଆସନ୍ତାନି - ପ୍ରଣତୀ ମହାପାତ୍ର

ହଜିଲା ସ୍ଵପ୍ନ,ବିତିଯିବା ସମୟ
ଅଭୁଲା ମୂହୁର୍ତ୍ତ,ପ୍ରେମର ପରଶ
ସୁନେଲି ଭାବନା, ଚପଳ ବୟସ।
କାହିଁ ଆଜି ଫେରିଯିବାକୁ
ଭାରି ଇଚ୍ଛା ହୁଏ ।
ଫେରି ଆସନ୍ତାନି...
ଅଝଟିଆ ବୟସରେ ଘଣ୍ଟା ଘଣ୍ଟା ଧରି
ସୁପ୍ତ ଇଚ୍ଛା ସବୁକୁ ,ମନଭରି,
ମନଖୋଲି,ଦ୍ୱନ୍ଦ,ଦ୍ୱିଧା ନରଖି
ଓଗାଳି ଦେବାକୁ
ଭାରି ଇଛା ହୁଏ।
ଫେରି ଆସନ୍ତାନି....
ମନ ଭିତରେ ଭୟମିଶା ସାହସରେ,
ଛୋଟ ନୀଳ
ବାସ୍ନାୟିତ କାଗଜଖଣ୍ଡରେ,
ମନର ଭାବକୁ
ପ୍ରେମ ବୋଳା ଅତରରେ,
ସୁନେଲି ଭବିଷ୍ୟତର
ଲୁହର କାଳିରେ,ସଯତ୍ନରେ ସାଇତା
ଇଛା ଗୁଡାକୁ ବଖାଣି,
ସଭିଙ୍କ ଅଜାଣତରେ ପ୍ରିୟ ସଖୀ
ହାତରେ ପଠାଇ ଦିଅନ୍ତି,
ଭାରି ଇଚ୍ଛା ହୁଏ।
ଫେରି ଆସନ୍ତାନି...।
ସେବେ ବି ଏକା,
ଆଉ ଏବେବି ଏକା,
ଫରକ୍ ଏତିକି...
ସେତେବେଳ ଆଉ ଏତେବେଳର
ପରିଚୟ ଅଲଗା,
ପରିବେଶ ଅଲଗା,
ବୟସ ଅଲଗା।
ନିକାଞ୍ଚନରେ ଭାବେ ଆଉ
ଭାରି ଇଚ୍ଛା ହୁଏ,
ଫେରି ଆସନ୍ତାନି...


ପ୍ରଣତି ମହାପାତ୍ର, ଫକୀରମୋହନ ନଗର, ବାଲେଶ୍ଵର

Post a Comment

0 Comments