ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଏଇ ରାକ୍ଷୀ ପୁନେଇଁରେ - ସିଦ୍ଧେଶ୍ଵର ତ୍ରିପାଠୀ

ଏଇ ରାକ୍ଷୀ ପୁନେଇଁରେ - ସିଦ୍ଧେଶ୍ଵର ତ୍ରିପାଠୀ

ଭାଇ ଭଉଣୀର ସେନେହ ସମ୍ପର୍କ
କାହାକୁ ଅଛପା ଅବା
ସେଇଲେ ରୁଷନ୍ତି ସେଇଲେ ମିଶନ୍ତି
ସଭିଙ୍କୁ କରନ୍ତି କାବା ।

ଭାଇ ଦୁଃଖ ଦେଖି ଭଉଣୀ ଆଖିରୁ
ଝରି ଯାଏ କେତେ ଲୁହ
ଭଉଣୀ କାନ୍ଦିଲେ ଭାଇର ଏ ଛାତି
ସମ୍ଭାଳି ପାରେନି କୋହ ।

ଯେତେ ମାଡ ଗାଳି ସବୁ ଯାଏ ଚଳି
ପୁଣି ହୁଏ ମିଳା ମିଶା
ଜଣେ ଜଣ କର ସୁଖ ମନାଶେ
ଜଣେ ତ ଦିଏ ଭରଷା ।

ଭାଇ ହାତେ ରାକ୍ଷୀ ବାନ୍ଧଇ ଭଉଣୀ
ସେତ ଶେନେହର ଡୋରି
ଏମିତି ବନ୍ଧନ ଗଢ଼ିଛି ଦଇବ
କିଏ ହେବ ତାଙ୍କ ସରି ।

ଭଉଣୀ ଭାଇଙ୍କ ଓଠେ ହସ ଫୁଟେ
ଦୁହେଁ ଥିଲେ ନିକଟରେ
ଦୂରେଥିଲେ ଦୁହେଁ ଦୁହିଁଙ୍କୁ ଝୁରନ୍ତି
ଏଇ ରାକ୍ଷୀ ପୁନେଇଁ ରେ ।




ସିଦ୍ଧେଶ୍ବର ତ୍ରିପାଠୀ, କୁଣ୍ଡିଲୋ, କେରଙ୍ଗ, ଖୋରଧା

0 Comments