ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ନିମନ୍ତ୍ରଣ - ରଶ୍ମି ରଞ୍ଜିତା ମିଶ୍ର (ରୋଜି)

ନିମନ୍ତ୍ରଣ - ରଶ୍ମି ରଞ୍ଜିତା ମିଶ୍ର (ରୋଜି)

ବୟସର ଅପରାହ୍ନେ
ଅତୀତର ସ୍ମୃତିକୁ ସାଉଁଟି
ଜୀବନର ହାର, ଜିତ
ହିସାବକୁ ଖୋଜେ ଗୋଟି ଗୋଟି ।।

ଅମାନିଆ ଆଖି ଲୁହେ
ଭିଜାଇ ଫର୍ଦ୍ଦ ପରେ ଫର୍ଦ୍ଦ
ପାପ,ପୁଣ୍ୟ ଅଙ୍କ କସେ
ବିଦାରି ନିଜେ ନିଜ ହୃଦ ।।

ଭାଙ୍ଗିନି କା ଘର କେବେ
କରି ନାହିଁ ନିଷ୍ଠୁର ପ୍ରହାର
ତଥାପି, କାହିଁକି ଲାଗେ
କର୍ଡମାକ୍ତ ମୋର ଏ ଶରୀର ।।

ତୋଫା ଜହ୍ନ ଆଲୋକ ରେ
ଖୋଜିବୁଲେ ଚିହ୍ନା ମୁହଁ ଗୋଟା
ସବୁତ ଲାଗେ ଅଚିହ୍ନା
ଦେଖିଲେ ସେ କଳଙ୍କର ଛିଟା ।।

ଧର୍ମ ଦାଣ୍ଡେ ହା, ହା କାର
ରଡି ଶୁଣି ଛାତି ଯାଏ ଫାଟି
କି କରିବ ଧର୍ମ ଏଠି ?
ଆଖିରେ ତା ବନ୍ଧା କଳାପଟି ।।

ଆକାଶର ବୁକୁ ଚିରି
ମାଡ଼ି ଆସେ ନିରନ୍ଦ୍ର ଅନ୍ଧାର
ଅସରିରୀ ଅଟହାସ୍ୱେ
ନିମନ୍ତ୍ରଣ ଆସେ ଫେରିବାର ।।


ରଶ୍ମି ରଞ୍ଜିତା ମିଶ୍ର (ରୋଜି ମିଶ୍ର )
ବ୍ରାହ୍ମଣ କୁଶଡିହ, ବାଲୁଗାଁ ।

0 Comments