ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବରଷା ରାଣୀ ଆଉ ବରଷନି - ଜିତେନ୍ଦ୍ର ସାହୁ

ବରଷା ରାଣୀ ଆଉ ବରଷନି - ଜିତେନ୍ଦ୍ର ସାହୁ

କହିବାକୁ ଆହା ନାହିଁ ପାଖେ ମାଆ
କେ' ପୋଛିବ ଆଖି ଲୁହ,
ସହିବା ଶକତି ନଥାଇ ବି ଜାଣି
ନିଷ୍ଠୁର କାହିଁକି ହୁଅ ?
ଏ ବରଷା ଟିକେ ରୁହ,
କୁନି ଭଉଣୀ ମୋ ଭିଜିଯିବ ଯଦି
ଖରାପ ହେବ ତା' ଦେହ,,।।
ନାହିଁ ଘର ଦ୍ବାର ଠିକଣା ଆମର
କେ ନାହିଁ ଆପଣା ଲୋକ,
ଲୁହ ପିଇ ଦୁହେଁ ବଞ୍ଚିବା ଶିଖୁଛୁ
ମାରିଦେଇ ପେଟ ଭୋକ,,
ନିରୀହ ମୁହଁକୁ ଦେଖ,
ତମରି ଛିଟାରେ ଭିଜି ଆମେ ସତେ
ପାଉଅଛୁ କେତେ ଦୁଃଖ,,।।
ଛାଡି ଗଲାବେଳେ ମା' ଆରପାରିକୁ
ଭଉଣୀକୁ ଟେକି ହାତେ,
ବିପଦରୁ ତାକୁ ରକ୍ଷା କରିବାକୁ
ରାଣ ଦେଇଥିଲା ମତେ,,
ବେସାହାରା ଦୁହେଁ ସତେ,
ନିବେଦନ ଶୁଣି ଏ ବରଷା ରାଣୀ
ବରଷନି ଆଉ ଏତେ,,।।
ସାରୁ ପତରରେ ଘୋଡେଇ ଯେ ତାକୁ
କରୁଛି କର୍ତ୍ତବ୍ୟ ମୋର,
ବଡ ଭଉଣୀଟେ ନୁହଁଇ ଖାଲି ମୁଁ
ରକ୍ଷା କବଚ ବି ତାର,,
ଏ ଦୁନିଆ ସ୍ବାର୍ଥପର,
ମୁଣ୍ଡ ଗୁଞ୍ଜିବାକୁ ଜାଗା ଦେବା ଛାଡ
ଦେବେନି ସ୍ନେହ ଆଦର,,।।


ଜିତେନ୍ଦ୍ର ସାହୁ
ଏମ୍.ତେନ୍ତୁଳିଆ, ପୋଲସରା, ଗଞ୍ଜାମ

0 Comments