ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଡାକେ ଥରେ ମତେ ବୋଉ - ଜିତେନ୍ଦ୍ର ସାହୁ

ଡାକେ ଥରେ ମତେ ବୋଉ - ଜିତେନ୍ଦ୍ର ସାହୁ

ଟିକି ଓଠେ ତୋର ସୁନା ଧନ ମୋର
ଡାକେ ଥରେ ମତେ ବୋଉ,
ତୋ ମିଠା ଡାକରେ ହେବି ମୁଁ ଖୁସିରେ
ଲୋଡ଼ାନାହିଁ କିଛି ଆଉ,,।।
ନାଲି ଗୁଲୁଗୁଲୁ ହସି ଦେଇ ଗେହ୍ଲୁ
ଟିକି ନାଲି ଓଠେ ତୋର,
କୁନି କୁନି ହାତେ ଛୁଇଁଦେଏ ସତେ
ପାସୋରିବ ଦୁଃଖ ମୋର,,
ତୋ ଓଠ ହସରେ ତୋ ମିଠା ଡାକରେ
ଝରେଇରେ ମିଠା ମହୁ,,
ଟିକି ଓଠେ ତୋର ସୁନା ଧନ ମୋର
ଡାକେ ଥରେ ମତେ ବୋଉ,,।।
ମୋ ଆଖି ତାରା ତୁ ମାଣିକ ହୀରା ତୁ
ଅମୂଲ ରତନ ଗଣ୍ଠି,
ପଣତେ ଘୋଡେଇ ନଜର ଆଡେଇ
ଦେଉଥିବି ସ୍ନେହ ବାଣ୍ଟି,,
ଲାଗିବନି କା'ର ତୋ' ଠାରେ ନଜର
କଜ୍ଜଳ ମୋ ଥାଉ ଥାଉ,
ଟିକି ଓଠେ ତୋର ସୁନା ଧନ ମୋର
ଡାକେ ଥରେ ମତେ ବୋଉ,,।।
ଆଜି ମୋ କୋଳରେ ତୁ ଖେଳୁ ବୋଲିରେ
ଅମୃତର ଝର ଝରେ,
ପିଆଇ ଯେ ତତେ ତୃପ୍ତି ଲଭେ କେତେ
ଭିଜି ମୁଁ ସେନେହ ନୀରେ,,
ମାତୃତ୍ବର ସୁଖେ ଉଠେ ପ୍ରେମେ ବକ୍ଷେ
ମମତାରେ ଭରା ଢେଉ,
ଟିକି ଓଠେ ତୋର ସୁନା ଧନ ମୋର
ଡାକେ ଥରେ ମତେ ବୋଉ,,।।




ଜିତେନ୍ଦ୍ର ସାହୁ,
ଏମ୍. ତେନ୍ତୁଳିଆ, ପୋଲସରା, ଗଞ୍ଜାମ

0 Comments