ମନ - ରଜତ କୁମାର ନାୟକ

ମନ - ରଜତ କୁମାର ନାୟକ

ରିପି ଝିପି ବରଷା ରେ ଭିଜା ମାଟି ବାସ୍ନା
ସେଇ ନଦୀ ତୁଠ ଆଉ ଚାନ୍ଦିନୀ ର ଜ୍ୟୋତ୍ସ୍ନା ....
ଶୀତଳ ମଳୟ ଆଜି କିଛି ସ୍ମୃତି ନେଇ
କିଛି କ୍ଷଣ ପାଇଁ ନିଏ ମନ କୁ ଚୋରେଇ ....
ବାଦଲ ତୁ ଅମାନିଆ କେବେଠାରୁ ହେଲୁ
ନିଜେ ହେଲୁ ଆଉ ମୋର ମନ କୁ ବି କଲୁ ....
ନିଜେ ସିନା ଚାଲିଗଲୁ ଟିକିଏ ବରଷି
ମନ କୁ ହୃଦୟ ପାଇଁ କଲୁ ପରଦେଶୀ ....
କେତେ ନିବେଦନ କରେ ଅବୁଝା ମନ କୁ
ମନ କିନ୍ତୁ ଫେରେ ନାହିଁ ହୃଦୟ ପାଖକୁ ....
ଆରେ ଅବୁଝା ବାଦଲ ଯଦି ବରଷିଲୁ
ସ୍ମୃତି କୁ ସାଥିରେ ଧରି କାହିଁକି ନ ଗଲୁ ....
ମନ ଆଜି ସ୍ମୃତି ସହ କେଉଁ ପ୍ରେମ ରଙ୍ଗେ
ରଙ୍ଗି ଯାଇ ହୃଦୟ କୁ ପରିଚୟ ମାଗେ....
ଚିହ୍ନା ହୃଦୟ କୁ ଆଜି ପର କରିଦିଏ
ହୃଦୟ ବି ନିରବ ରେ ସବୁ ସହିଯାଏ....
ଜାଣିଛି ସେ ମନ ତାର ଭାରି ଅଭିମାନୀ
ତାକୁ ଛାଡି କେବେ ସିଏ ରହିପାରିବନି ......


ଜେ.ଇ - ୨୦୦,
ଜଗଦା, ରାଉରକେଲା
ମୋ : ୯୪୩୭୧୫୨୬୮୮

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।