ପ୍ରଭୁ ଜଣାଣ - ଇଂ ଦୀପ୍ତି ରଞ୍ଜନ ପଣ୍ଡା

ପ୍ରଭୁ ଜଣାଣ - ଇଂ ଦୀପ୍ତି ରଞ୍ଜନ ପଣ୍ଡା


କେଉଁ ନାମେ ପ୍ରଭୁ ଭଜିବି ତୁମ୍ଭଙ୍କୁ
ସହସ୍ର ନାମ ତୁମ୍ଭରି
କେଉଁ ମନ୍ତ୍ରକୁ ମୁଁ ଜପିବି ହେ ପ୍ରଭୁ
ଅନେକ ମନ୍ତ୍ର ତୁମ୍ଭରି ॥୧॥

କେଉଁ ରୂପ ତୁମ୍ଭ ସ୍ମରଣ କରିବି
ରୂପ ତୁମ୍ଭ ଅକଳନ
କେଉଁଠାରେ ପ୍ରଭୁ ପାଇବି ତୁମ୍ଭଙ୍କୁ
ନିବାସ ସକଳ ସ୍ଥାନ ॥୨॥

ଯାହା ମୁଁ ଦେଖୁଛି ସକଳ ତୁମ୍ଭରି
ନୈବେଦ୍ୟ କଣ ବା ଦେବି
ଭକ୍ତି ନୈବେଦ୍ୟକୁ ତୁମ୍ଭ ଶ୍ରୀଚରଣେ
କେବଳ ଦେଇ ପାରିବି ॥୩॥

ଦକ୍ଷିଣା ଦେବାକୁ ମୋ ପାଖରେ ଥିବା
ଦରବ ସବୁ ତୁମ୍ଭରି
ମୋହର ମନକୁ ଦକ୍ଷିଣା ରୂପରେ
ନିଅ ହେ ପ୍ରଭୁ ଆଦରି ॥୪॥

ମୋ ଷଡ ବିକାର ତୁମ୍ଭ ପାଶେ ପ୍ରଭୁ
ଜାଳୁଛି ଧୂପ ସଦୃଶ
ସେ ସବୁକୁ ପ୍ରଭୁ ଧ୍ଵଂସ କରିଦିଅ
ସେତିକି ଚାହେଁ ଆଶିଷ ॥୫॥

1 Comments

  1. ହେମନ୍ତ କୁମାର ବରାଇAugust 23, 2018 at 11:40 PM

    ବହୁତ ସୁନ୍ଦର ବର୍ଣ୍ଣନା,ନମସ୍କାର

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।