OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ନିଧି ମଉସା - ଶ୍ରୀଧର ପଟ୍ଟନାୟକ

ନିଧି ମଉସା - ଶ୍ରୀଧର ପଟ୍ଟନାୟକ

ନିଧି ମଉସା ହୋ,
ଏଇ ଆସୁଛି ଦେଖ ଶ୍ରାବଣର
ଶେଷ ରବିବାର,
ମଶା,ମୂଷା ଡାଆଁଶ ସବୁ ଏକାଠି ହେବେ,
ତୁମ ବିରୋଧରେ
ପ୍ରସ୍ତୁତ କରିବେ ରଣନୀତି,
କେହି ଜଣେ ଏମିତି ବି ପ୍ରସ୍ତାବ ଦେଲାଣି,
ତୁମେ ବୋଧେ ତାଙ୍କର
ଟାର୍ଗେଟ୍ ଏକ ନମ୍ବର,
ନହେବ କେମିତି ଯେ ;
ତୁମେ ତ ପାଲଟିଯାଇଛ
ମାଲେରିଆ ଦମନର ଦାମୀ ପୋଷ୍ଟର୍ !

ତୃତୀୟ ଶକ୍ତି ହାତ ମିଳେଇଲେଣି
କାଦୁଅ ଫୋପଡା ଆରମ୍ଭ ହେଲାଣି,
ରାସ୍ତାରୋକ୍ ସମୟର ଅଧା ପୋଡା ଟାୟାର୍
ମଶା ବଢିବାରେ ଢେର୍ ଆଶ୍ରୟ ଦେଲେଣି,
ଯୋଉଠି ଦେଖ କୁଢ କୁଢ ଅଳିଆ,
ଗାମ୍ବୁସିଆ ଆକ୍ବାରିୟମରେ ଶୃଙ୍ଗାର ହେଲେଣି ;
ବିରୋଧୀର ବିରୋଧୀ ତ ମିତ୍ର
ଏଇ ଆଳରେ ରାଜନୀତି ପ୍ରବଳ ହେଲାଣି !

ସ୍ବଚ୍ଛତା ପ୍ରଚାର ପାଇଁ ଅଳିଆ ଆସେ
ମାର୍ବଲ ଚଟାଣରେ ଏଇଠି,
ପ୍ରତୀକାତ୍ମକ ଭାବେ ବଡବଡିଆ କଥା ଛାଡ ହୋ,
ଆମ ଗାଁ ଧଡିଆ ବି ଝାଡୁ ଧରି
ସେଲଫି ନିଏ,
ଦିନ କେତେ ଫେସବୁକରେ ରଖେ ;
ତା' ଦୁଆରେ ଦେଖ ଅଳିଆ ଗଦା
ପାହାଡ ଭଳି ଜମିଗଲାଣି !

ମଉସା ହେ,
ମୋ ସାନକୁହା କଥା ମାନ,
ଆସୁଛି ନିର୍ବାଚନ
ଥରେ ଭାଗ୍ୟ ପରୀକ୍ଷା କରିନିଅ
ଡେଙ୍ଗୁ ମାଲେରିଆ ଦୂରର କଥା
ଧଳା ପାଇଜାମାରେ ଧୂଳି ବି ଲାଗିବନି !




ଶ୍ରୀଧର ପଟ୍ଟନାୟକ,
କଲ୍ୟାଣସିଂହପୁର, ରାୟଗଡ
ଦୂରଭାଷ : ୯୧୭୮୭୪୪୨୫୦

0 Comments