ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତମେ ରଜାଝିଅ - ଜିତେନ୍ଦ୍ର ସାହୁ

ତମେ ରଜାଝିଅ - ଜିତେନ୍ଦ୍ର ସାହୁ

ତମେ ରଜାଝିଅ ମୁଁ ଗରିବ ପୁଅ
ଦୂରତା ଆମର କେତେ,
ସରୋବରେ କଇଁ ଜହ୍ନକୁ ଅନେଇ
ଛୁଇଁ କି' ପାରୁଛି ସତେ,,।।
ରାଜଉଆସରେ ଭୋଗବିଳାସରେ
କାଟୁଛ ତମେ ଯେ ଦିନ,
ଝାଟିମାଟି ଘରେ ଦେଖେ ମୁଁ ସତରେ
ଛପର କଣାରେ ଜହ୍ନ,,।।
ତମେ ଅଲୀଅଳି ପୁରା କର ଅଳି
ଲାଗେନି ସମୟ କ୍ଷଣେ,
ମୋ ଟିକି ଆଶାକୁ ପୁରା କରିବାକୁ
ସକ୍ଷମ ନୁହେଁ ମୁଁ ଜଣେ,,।।
କେମିତି ଯେ କୁହ ଆଗୋ ରଜା ଝିଅ
କରିଲ ମୋ' ସାଥେ ଭାବ,
ପଚାର ମନକୁ ଏଇ ସମ୍ପର୍କକୁ
ପ୍ରେମ ନାଁ କି' ଦେଇ ହବ ? ।।


ଏମ୍.ତେନ୍ତୁଳିଆ, ପୋଲସରା, ଗଞ୍ଜାମ

0 Comments