ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ରଙ୍କ ରତନ - ଦେବବ୍ରତ ଜେନା

ରଙ୍କ ରତନ - ଦେବବ୍ରତ ଜେନା

ତୁ ପରା ମୋର ରଙ୍କରତନ
ମୋ ହୃଦୟ ଗଳାମାଳି
ତୁ ମୋର ସଞ୍ଜ ତୁ ମୋ ସକାଳ
ତୁ ମୋର ଜପାମାଳି ।।

ତୋତେ ନ ଦେଖିଲେ ଘଡ଼ିଏ ଧନରେ
ଅମା ଅନ୍ଧକାର ଘୋଟେ
ପାଖରେ ଥିଲେ ମୋ କିଛି ଲୋଡ଼ା ନାହିଁ
ଭୋକ ଶୋଷ ସବୁ ମେଣ୍ଟେ ।।

ତୁ ମୋ ଜୀବନର ଉଦିତ ଅରୁଣ
ତୁହି ମୋ ରୂପେଲି ଚାନ୍ଦ
ତୁହି ମୋ ସପନ ତୁହି ମୋ ଜୀବନ
ମୋ ହୃଦୟ ମକରନ୍ଦ ।।

ତୁ ମୋ ଜୀବନ ଅବିଛେଦ୍ୟ ଅଙ୍ଗ
ତୋ ବିନା ନାହିଁ ମୋ ଗତି
ତୋ ଖୁସି ପାଈଁକି ଆସୁ ଝଡ଼ ଝଞ୍ଜା
ସହିଯିବି ମଥା ପାତି ।।

ତୁହି ମୋର ଆଶା ତୁହି ମୋ ଭରସା
ତୋ ପାଇଁ ଆଙ୍କେ ସପନ
ନିଶ୍ଚେ ସେ ସପନ କରିବୁ ତୁ ପୂର୍ଣ୍ଣ
ରଖିବୁ ଆମରି ମାନ ।।


ଦେବବ୍ରତ ଜେନା, ସହକାରୀ ଶିକ୍ଷକ, ଭୋଗରାଇ, ବାଲେଶ୍ୱର

0 Comments