Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

କାଳିଆ - ପ୍ରଣତୀ ମହାପାତ୍ର

ଦୁଃଖର ପାହାଡେ ବସି
ଲୁହ ମୁଁ ଢାଳେ
ମୋ ଭାଗ୍ୟ ତୁ ଲେଖିଛୁରେ
ପତର ତଳେ,
ଦୁଃଖର ପାହାଡେ ବସି
ଲୁହ ମୁଁ ଢାଳେ।
ମୋ ଲୁହ ତ ମୋ ପାଇଁ
ସୁଖ ଝରଣା,
କାହିଁକି କରିବି ଆଉ
କେଉଁ ଭାବନା।
କୁହୁଳି କୁହୁଳି ଆଜି
ଅନ୍ତର ଜଳେ ।
ଦୁଃଖର ପାହାଡେ.... (୦)

କଷ୍ଟ କଲେ ଏଠି କାଳେ
କୃଷ୍ଣ ତ ମିଳେ,
ଅଫଳନ୍ତି ବୃକ୍ଷ ଡାଳେ
ଶ୍ରୀଫଳ ଫଳେ,
ହାତ ପାହାନ୍ତାରେ ରହି
ଖାଲି ଅଣ୍ଡାଳେ,
ଭୋଗୁଛି ମୁଁ ଭୋଗୁଥିବି
ମୋ କର୍ମଫଳେ ।
ଦୁଃଖର ପାହାଡେ... (୧)

ତୁମେ ଭାବଗ୍ରାହୀ ତୁମେ
ଜଗତନାଥ,
ତୁମ୍ଭରି ଆଜ୍ଞାରେ ସର୍ବେ
ହୁଅନ୍ତି ଆତଯାତ,
ହେଲେ ଆଜି ମୋ ଠାରୁ ତୁ
ବେଶୀ ଅନାଥ,
ତଥାପି ତୁ ରହିଅଛୁ
ଜଗଜ୍ଜନ ମେଳେ,
ଭାଗ୍ୟ ମୋର ବିପର୍ଯ୍ୟୟ
ଦୁର୍ଭାଗ୍ୟ ଖେଳେ ।
ଦୁଃଖର ପାହାଡେ...(୨ )

ମୋ ଭାଗ୍ୟ ତୁ ଲେଖିଛୁରେ
ପଥର ତଳେ,
ଦୁଃଖର ପାହାଡେ ବସି
ଲୁହ ମୁଁ ଢାଳେ।


ପ୍ରଣତି ମହାପାତ୍ର, ବାଲେଶ୍ଵର

Post a Comment

0 Comments