ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଫୁଲେଇ ରାଣୀ - ପ୍ରକାଶ କୁମାର ଚାନ୍ଦ

ଫୁଲେଇ ରାଣୀ - ପ୍ରକାଶ କୁମାର ଚାନ୍ଦ

ଫୁଲ ସବାରୀରେ ବସିବୁ କେବେ ତୁ
ଆଲୋ ମୋ ଫୁଲେଇ ରାଣୀ
ଫୁଲ ପରିକା ତୋ ଗୋରା ଦେହରେ
ପଡ଼ିବ ବାଡୁଅ ପାଣି ।।

ହାତରେ ମେହେନ୍ଦି ମଥାରେ ଚନ୍ଦନ
ପାଦରେ ଅଳତା ଗାର
ପାଦ ଚିପି ଚିପି ଆସିବୁ ବେଦୀକୁ
ପାଖରେ ବସିବୁ ମୋର
କଣେଇ କଣେଇ ଚୋରା ଚାହାଣି ରେ
ଧୀରେ ନେବୁ ମନ କିଣି
ଫୁଲ ସବାରୀରେ....... ।।

ସାତ ଜନମକୁ ହୋଇବ ଏକାଠି
ଦୁଇଟି ଅଜଣା ମନ
ସେଦିନ ମୋ ଘରେ ଅନ୍ଧାର ରାତିରେ
ଦେଖିବି ହଜାରେ ଜହ୍ନ
ସେ ଜହ୍ନ ଆଖିରେ ନିଦ କିଆରୀରେ
ସୁନା ସ୍ୱପ୍ନ ଦେବି ବୁଣି ।।
ଫୁଲ ସବାରୀରେ....... ।।


ପ୍ରକାଶ କୁମାର ଚାନ୍ଦ
ଜୟପୁର ଶାସନ, ପିପିଲି, ପୁରୀ
ମୋ- ୯୮୫୩୩୫୩୯୩୮

0 Comments