ତୁ ଆସିଲା ପରେ - ସିଦ୍ଧେଶ୍ଵର ତ୍ରିପାଠୀ

ତୁ ଆସିଲା ପରେ - ସିଦ୍ଧେଶ୍ଵର ତ୍ରିପାଠୀ

ମନ ଅଗଣାରେ ଜହ୍ନଟେ ଉଇଁଲା
ହସିଲା ଏଇ ଜୀବନ
ଯେବେଠୁ ରହିଲୁ ହୃଦୟରେ ମୋର
ଖୁସିରେ କଟିଲା ଦିନ ।

ପାଦରେ ପାଦତୁ ମିଶାଇ ଚାଲିଲୁ
ମିଠା କଥା କହି କହି
ଧୀରେ ଛୁଇଁଗଲୁ ଏ ଦେହ ମନକୁ
ପ୍ରୀତି ଗୀତ ଗାଇ ଗାଇ ।

ତୋ ହାତ ପରଷେ ପାଇଗଲି ଆଜି
ସପନର ମଧୁବନ
ମନ ଅଗଣାରେ ଜହ୍ନଟେ ଉଇଁଲା
ହସିଲା ଏଇ ଜୀବନ - - -

ଲୁହ ଲହୁ ସବୁ ପରଦେଶୀ ହେଲେ
ଅବଶୋଷ ହେଲା ଦୂର
ଯେବେଠୁ ମୋହାତେ ହାତ ତୋର ରଖି
କଲୁ ମୋତେ ଆପଣାର ।

ତୋ ପାଦ ପଡିଲା ଏଇ ଘରେ ମୋର
ଆସିଲା ନୂଆ ଲଗନ
ମନ ଅଗଣାରେ ଜହ୍ନଟେ ଉଇଁଲା
ହସିଲା ଏଇ ଜୀବନ - - -

0 Comments