Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଆଜି ଏଠାରେ - ପ୍ରଣତୀ ମହାପାତ୍ର

ନାରୀପରେ ଆଜି ଅତ୍ୟାଚାର ହେଲେ
ନିଏ ସେ ନ୍ୟାୟ ଆଶ୍ରୟ,
ସତ୍ୟହେଉ ଅବା ମିଥ୍ୟା ହୋଇଥାଉ
ମିଳିଥାଏ ନିଶ୍ଚେ ନ୍ୟାୟ।
ହେଲେ ଥରେ କୁହ ପାଠକ ଇଶ୍ଵର
ନର ହେଲେ ନିର୍ଯାତିତ,
ମୁଣ୍ଡକୁ ବାଡେଇ କାକୁତି କଲେ ବି
ନ ମଣନ୍ତି କେହି ସତ।
ନ୍ୟାୟ ବିଚାର କି ତା ପାଇଁ ନୀରବ
ସେ ନିର୍ଯାତନା ସହୁଥିବ।
ଅନ୍ଧାରି ଗୃହରେ ପତ୍ନୀ ବୋଲଣାର
ଖାଦ୍ୟ ଖାଇ ରହିଯିବ।
ଏହାହିଁ ସତ୍ୟ ଯେ ଏ କଳି ଯୁଗରେ
ନାରୀ ନିର୍ଯାତିତ ହେଉଛି,
କିନ୍ତୁ ଶହେକରେ ଜଣେ ପୁରୁଷ ବି
ଗୁମୁରି ଗୁମୁରି କାନ୍ଦୁଛି।
ସଭିଏଁ ହୋଇବେ ଯଦି ସଚେତନ
ପୁରୁଷ ପାଇବ ସମ୍ମାନ,
ନା ନାରୀ କେବେ ହେବେ ନିର୍ଯାତିତା
ନା ହୋଇବେ ଅସମ୍ମାନ।
ପୁରୁଷ ଦେଉ ନାରୀକୁ ମର୍ଯ୍ୟାଦା
ନାରୀ ଦେଉଥାଉ ସମ୍ମାନ,
ଯୁଗେ ଯୁଗେ ନାରୀ ପୂଜା ପାଇ ଏଠି
ହୋଇଯାଏ ପୁଣି ମହାନ ।
ସବୁଠାରେ ପାଏ ସମ୍ମାନ।


ପ୍ରଣତି ମହାପାତ୍ର, ଫକୀରମୋହନ ନଗର, ବାଲେଶ୍ଵର

Post a Comment

0 Comments