ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବୟସର ଅପରାହ୍ନ - ଦିପ୍ତୀଲେଖା ମିଶ୍ର

ବୟସର ଅପରାହ୍ନ - ଦିପ୍ତୀଲେଖା ମିଶ୍ର

ମୁଁ ଆଜି ପହଂଚିଛି
ମୋ ବୟସର ଅପରାହ୍ନରେ
ଯେଉଁଠି ଖାଲି ଦୁଃଖ,ଅପମାନ
ଆଉ ଅନେକ କଷ୍ଟରେ ଭରି
ହେଲାଣି ମୋର ଏ ଶରୀର।
ସମୟର ଅପରାହ୍ନ ସିନା
କ୍ଷଣିକ ମାତ୍ର ରହିବ
ଭରସା ଦିଏ ପୁଣି
ସୂରୁଜ ଉଇଁବ
ଆଲୁଅ ଦିଶିବ
ଏ ଗଗନ ଭୁବନ
କିନ୍ତୁ ବୟସର ଅପରାହ୍ନ
ପାଦ ଥାପିବା ମାତ୍ରେ
ଆପଣା ଲୋକଙ୍କ ଠାରୁ
ମିଳେ ଖାଲି ଘୄଣା,ଅପବାଦ
ଯାହା ହଜମ କରିପାରେନି
ଏ ଜରାଜୀର୍ଣ୍ଣ ଶରୀର ।
ଭାରୀ କଷ୍ଟ ଦିଏ
ସମୟର ଅନ୍ଧତ୍ବ,ବଧିରତା
ଆଉ ଦୁର୍ବଳ ଶରୀର
ତଥାପି ମୁଁ ଚାହିଁ ରହିଛି
ସଦା ଚାତକ ଭଳି
କେବେ ମୁକ୍ତି ପାଇବ
ମୋର ଏ ଶରୀର
ପହଂଚିବ ଈଶ୍ବରଙ୍କ ଦ୍ବାର
ସପନ ହେବ ମୋ ସୁନ୍ଦର ॥


ଦିପ୍ତିଲେଖା ମିଶ୍ର, ବ୍ରହ୍ମପୁର, ଗଞ୍ଜାମ

0 Comments