ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମୁଁ ବୀର ଯବାନ - ଗୋପାଳ ଚନ୍ଦ୍ର ସାଓ

ମୁଁ ବୀର ଯବାନ - ଗୋପାଳ ଚନ୍ଦ୍ର ସାଓ

ରଖିବାକୁ ମାଆ ମାଟି ସମ୍ମାନ
ଦେଇ ପାରୁ ହସି ହସି ଜୀବନ
ନେଇ ବି ପାରୁ ଶତ୍ରୁ ପରାଣ
ନାଁ ମୋର ବୀର ଯବାନ....

ଦେଶ ହେଉକି ହେଉ ରୁକ୍ମଣୀ
ଦୁର୍ଘଟଣା ଅବା ବନ୍ୟା ପାଣି
କେବେ ଦେବ ଦୂତ କେବେ ପୁଣି ମିତ
ଆବଶ୍ୟକତା କୁ ପରଖି ଜାଣି...

କରାପୁଟ ଅବା ମାଲକାନଗିରି
କାଶ୍ମୀର ସୀମା କାର୍ଗିଲ ଉରୀ
ମାରିବୁ ମରିବୁ ଗୋଟିଏ କଥା
ଲଢ଼ିବୁ ଛାତିରେ ସାହସ ଧରି...

ଯେବେଠୁଁ ପିନ୍ଧିଛି ସେନା ପୋଷାକ
ହାତରେ ଧରିଛି ମୁଁ ଏଇ ବନ୍ଧୁକ
ଶପଥ ନେଇଛି ମାଆ ମାଟି ଛୁଇଁ
ରଖିବି ନିଶ୍ଚୟ ତାହାରି ଟେକ...

ମାଆ ମମତାକୁ ଦେହରେ ମାଖି
ମୃତ୍ୟୁର ସୁଆଦ ପାଟିରେ ଚାଖି
ତ୍ରିରଙ୍ଗା ପତାକା ହାତରେ ଧରି
ଚାଲିଛି ଚାଲିବି ଆଗକୁ ଦେଖି...

ଗୋପାଳ ଚନ୍ଦ୍ର ସାଓ
ବାରିପଦା, ମୟୂରଭଞ୍ଜ, ମୋ- 9937046998*

0 Comments