ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବାଜେକଥା - ବଦଳି ଗଲାଣି ଗାଁ ର ଚିତ୍ର - ସଲିଳ କୁମାର ସ୍ଵାଇଁ

ବାଜେକଥା - ବଦଳି ଗଲାଣି ଗାଁ ର ଚିତ୍ର - ସଲିଳ କୁମାର ସ୍ଵାଇଁ


ବଦଳି ଗଲାଣି ମୋ ଗାଁ'ର ଚିତ୍ର । ଗାଁ ସାରା କଂକ୍ରିଟ ରାସ୍ତା । ନଟୁବାଟି ଖେଳିହଉନି । କୀଳା ପୋତି ସକାଳୁ ସକାଳୁ ଆଉ ଗାଈବଳଦ ବଂଧା ହଉନାହାନ୍ତି ।ମା ମାଉସୀ ଆଉ ଗୋବରପାଣି ପକଉନାହାନ୍ତି । ବୋହୂମାନେ ପିଣ୍ଢାରେ ଦାନ୍ତକାଠି ପାଣିଢାଳ ଶଶୁର ପାଇଁ ଥୋଉନାହାନ୍ତି । ଗାଧୁଆ ତୁଠରେ ନୂଆ ଭୁଆଷୁଣୀ ଆଉ ଯାଆନଣନ୍ଦଙ୍କ ଟାପରାରେ ଝାଉଁଳି ଯାଉନି ।

ବାହାପୁଆଣିରେ ସାଇଭାଇ ଆଉ ଅଣ୍ଟାଭିଡି ସାହାଯ୍ୟ କରୁନାହାନ୍ତି । ମଡାସାଙ୍ଗିଆଙ୍କ କଥା ନ କହିଲେ ଭଲ । ମଶାଣିଭୂଇଁରେ ବରାଦ କରନ୍ତି ମଦ । ଏଇଟା କୁଆଡେ ସଦ୍ଯତମ ସଂସ୍କାର । ପୂଜ୍ଯପୂଜା ଆମ ସଂସ୍କୃତି ଆମ ପରମ୍ପରା । ବଡମାନେ କ'ଣ ସ୍ନେହ ଦେବାରେ ଉଣା କଲେକି ? ସାନମାନଙ୍କର ସମ୍ମାନବୋଧ ହ୍ରାସ ପାଉଛି । ଘଷା ଫୋନଟେ ଧରି ପିଲାମାନେ ଶିଖୁଛନ୍ତି କ'ଣ ?

ସଂଜରେ ଜଳୁନି ପ୍ରଦୀପ । ଶୁଭୁନି ନବାକ୍ଷରୀ । ଭାଗବତ ଟୁଙ୍ଗୀ ଲାଗେ ଖାଁ ଖାଁ । ଟିଭି ଧାରାବାହିକ ଦଉଛି ଢେର୍ ଆନନ୍ଦ । ସାଇଭାଇ ଗାଁ'ଭାଇ ଏକାଠି ହଉଛନ୍ତି ସତ, ଦୁଃଖସୁଖ କମ୍, ପରଚର୍ଚ୍ଚା ବେଶୀ । ପରିସ୍ଥିତି ବେଳେବେଳେ ଗମ୍ଭୀର ବି ହେଉଛି । ସତରେ ମୋ ଗାଁ ବଦଳୁଛି ।


ସଲିଳ କୁମାର ସ୍ଵାଇଁ
ମଙ୍ଗଳାଯୋଡି, ଟାଙ୍ଗି, ଖୋରଧା
ଦୂରଭାଷ : ୯୪୩୭୦୯୦୧୨୪

0 Comments