Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ରାଷ୍ଟ୍ର ନାୟକ - ଅନାମ ଚରଣ ସାହୁ

ହେ ରାଷ୍ଟ୍ର ନାୟକ ଆନନ୍ଦ ଦାୟକ
ସେବାବ୍ରତ ଥିଲ ବରି
ରାଜା ରାମ ସମ ରାଜଧର୍ମ ତୁମ
ଆନ ନେତା ନୁହେଁ ସରି।
ସାରି ଇହକାମ ଶୁଣି ହରିନାମ
ଚାଲିଗଲ ଆରପାରି
ମାଟି ମାଆ ଝୁରେ ବକ୍ଷେ କୋହ ଭରେ
ତୁମରି ଗୁଣ ସୁମରି।
ମାତୃଭୂମି ମାତୃ- ଭାଷାର ମମତା
ଦେଖି ବିଶ୍ବ ଆଚମ୍ବିତ
ତୁମରି ପାଣ୍ଡିତ୍ୟ ଅଟଳ ବ୍ୟକ୍ତିତ୍ୱ
ପାଶେ,ଅରି ମଥାନତ।
କୁଳିନ ବ୍ରାହ୍ମଣ ହୋଇ ମୋହଶୂନ୍ୟ
ବରିନେଲ ବ୍ରହ୍ମଚାରୀ
ପରଜା ପାଳନ କରି ପିତା ସମ
ଖୁସି ଦେଇଥିଲ ଭରି।
ଦେଶର ସୁରକ୍ଷା ପାଇଁ ନେଇ ଦୀକ୍ଷା
ଅଟଳ ଅଚଳ ସମ
ବିଶ୍ବ ସମୁଦାୟ ଗାଇ ଜୟଜୟ
ଘୋଷାକଲେ ତୁମ ନାମ।
ଭାରତ ମାଟିର ଆହେ ବରପୁତ୍ର
ଶତଶତ ପ୍ରଣିପାତ
ସହସ୍ର ବରଷେ ତୁମପରି ନେତା
ପୃଥିରେ ହୁଅନ୍ତି ଜାତ।


ଅନାମ ଚରଣ ସାହୁ
ବିଭୁତିପୁର, କାକଟପୁର, ପୁରୀ

Post a Comment

0 Comments