Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଗୋଟିଏ ନିଃସଙ୍ଗ ଶାୟାହ୍ନ - ରାଜେଶ ପୂଜାରୀ

ଅଟ୍ଟାଳିକା ଖୁବ୍ ବଡ଼
କିନ୍ତୁ କବାଟ ବହୁତ ଛୋଟ ।

ଖରା-ବର୍ଷା-ଶୀତ ସାଙ୍ଗରେ
ଦଲକାଏ ପବନକୁ ବି ମନା
ପଶିବାକୁ ତା' ଭିତରକୁ ।

ଯେଉଁଠି ବସବାସ କରୁଥିଲେ
କିଛି ଅପରିଚିତ ପ୍ରାଣୀ
ଟ୍ରେନ୍ ଭିତରେ
ଅଚିହ୍ନା ଅଜଣା ଯାତ୍ରୀମାନେ ଯେପରି ।

ବାଡେଇଲା ସେ ବହୁବାର
ଯିଏ ହୋଇ ସାରିଥିଲା ନାଲିନଡ଼ା
ଅସହନ୍ତି ଭୋକରେ ଶୋଷରେ
ଦାରିଦ୍ର୍ୟର ବୁଲ୍ଡୋଜର୍ ଚାପରେ ।

ଆଭାସ ମିଳିଲା କିଛି ବେଳ ପରେ
ହନି ସିଂ ର ଯୌବନ ଜଣାଣ ତାଳରେ
ଝୁମିବାରେ ମସଗୁଲ
ଭିତରର ଜନ୍ତୁ ସମ୍ପ୍ରଦାୟ
ରମ୍ ହ୍ବିଷ୍କି‌‌ର ମହନୀରେ
ଆପଣା ବିଳୁପ୍ତ ଳାଙ୍ଗୁଡ଼ର ସନ୍ଧାନରେ ।

ଯେବେ ସେ ଜୋର ଜୋର କବାଟ ବାଡ଼େଇଲା
ଧଡ଼ାସ କି'ନା କବାଟ ଖୋଲିଲା
ସେ ଖାଲି ମଟ ମଟ ଅନେଇ ରହିଲା
ତଟସ୍ତ ହୋଇ ।

ଯେଉଁ ବନ୍ଦ କବାଟ ଖୋଲିଥିଲା
ତାହା ପୁଣି ବନ୍ଦ ହୋଇଗଲା
ଜଣକୁ, ତା'ର କ୍ରୁରତାରେ ଭାଙ୍ଗି ରୁଜି ଚୁରମାର କରି
ତା'ର ପ୍ରତ୍ୟାଶା ସମୁହର ଅବସାନ କରି ।

ଆଉ ପ୍ରଭାତରୁ କିଛି ଗୋଟେ ଖୋଜୁଥିବା-
ଶାୟାହ୍ନ ଟା ହୋଇଗଲା ନିଃସଙ୍ଗ
ପୁରାପୁରି ନିଃସଙ୍ଗ ।


ରାଜେଶ ପୂଜାରୀ
କୁଶମେଲ, ଝାରସୁଗୁଡ଼ା

Post a Comment

0 Comments