OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ବରଷାରାଣୀ - ଘନଶ୍ୟାମ ସାହୁ

ବରଷାରାଣୀ - ଘନଶ୍ୟାମ ସାହୁ

ଝୁମି ଝୁମି ଆସେ ବରଷା ରାଣୀ
କଳା ବାଦଲର ଓଢ଼ଣା ଟାଣି
ଆଦ୍ୟ ଆଷାଢ଼ର ଅତିଥି
ମା' ମାଟି ତପ ଉତ୍ତପ୍ତେ ଅଧୀରା
ଢ଼ାଳି ଜଳଧାରା ଦେବ ଶାନ୍ତି ।
ବିଜୁଳି ରୋଷଣୀ ଆକାଶୁଁ ଘେନି
ଘଡଘଡି ବାଣେ କମ୍ପେ ମେଦିନୀ
ମେଘକୁ କରି ସେ ପଟୁଆର
ପାଛୋଟିବା ପାଇଁ ପୁଚ୍ଛକୁ ବିସ୍ତାରି
ନୃତ୍ଯେ ଗୀତେ ଶିଖୀ ଆଗଭର ।
ପ୍ରାଚୀ ଦିଗେ ପୂଣ୍ୟ ପ୍ରଭାତ କାଳେ
ଅଭ୍ର ଫାଙ୍କେ ସୂର୍ଯ୍ୟ କିରଣ ଢାଳେ
ନବବଧୂ ପରି କଣେଇ ଚାହେଁ
ରଶ୍ମି ରେଖା ର ସୁନେଲି ଚିତ୍ର ରେ
କବି ମନ ପ୍ରାଣ ଚହଲି ଯାଏ ।
ଚମ୍ପା କନିଅର ଟଗର ମଲ୍ଲୀ
ଯୁଇଯାଇ ହେନା କୁସୁମ ବଲ୍ଲି
ବରଷାରାଣୀକୁ କରେ ସ୍ୱ।ଗତ
ମୈ।ସୁମୀ ଭଉଣୀ ସାଥେ ନାଚି ଆସି
ଅଜାଡ଼ିବ ସୁଧାଜଳ ବହୁତ ।
ନବ ଉନ୍ମାଦନେ କୃଷକ ଭାଇ
କୃଷି କର୍ମେ ତାର ଯାଏ ଆଗେଇ
ମନମତାଣିଆ ସଙ୍ଗୀତ ତାନେ
ଉପୁଜାଏ ନାନା ଜାତିର ଫସଲ
ଜୀବନ ସଞ୍ଚାରେ ବିଶ୍ଵ କଲ୍ୟାଣେ ।
ଝୁଲି ଝୁଲି ଆସେ କଳା ବାମନ
ଗହଳି ଲଗାଇ ଭକତଗଣ
ଆଷାଢ଼ ଦ୍ଵିତୀୟା ଶିରୀକ୍ଷେତର
କରୁଣାର ବାରି ଢ଼ାଳି ଦେବ ସିଏ
ଦର୍ଶନେ ପାତକ ହୋଇବ ଦୂର ।


ଘନଶ୍ୟାମ ସାହୁ
ଯୁଗ୍ମ ସମ୍ପାଦକ- ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ:ଅ: କିଶୋର ଗଞ୍ଜ, ଜିଲ୍ଲା-ଅନୁଗୋଳ,
ମୋବାଇଲ ନମ୍ବର- ୯୪୩୭୬୬୪୫୩୭,
ପିନ୍ କୋଡ- ୭୫୯୧୨୭

3 Comments

  1. Ramesh Chandra MishraJuly 19, 2018 at 4:33 PM

    ସୁନ୍ଦର ବର୍ଷା ବର୍ଣ୍ଣନା ।

    ReplyDelete
  2. Ghanashyam SahooJuly 19, 2018 at 7:51 PM

    ଧନ୍ୟବାଦ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।