ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବର୍ଷା ଆଉ ପିଲାଦିନ - ପ୍ରଶାନ୍ତ କୁମାର ନାଥ

ବର୍ଷା ଆଉ ପିଲାଦିନ - ପ୍ରଶାନ୍ତ କୁମାର ନାଥ

ଭାରି ମନେ ପଡେ ସେହି ପିଲାଦିନ
ଯାହା ମୁଁ ଆସିଛି ଛାଡି
ମଜା ଲାଗେ କେତେ ସେହି ପିଲାଦିନେ
ଆସିଲେ ବରଷା ଝଡି ।
ପିଣ୍ଡାରେ ବସିକି ମଜା ନେଉଥିଲୁ
ଚାଳରୁ ଗଡିଲେ ପାଣି
ଘଡଘଡି ଯେବେ ମାରୁଥିଲା ପୁଣି
ମାଆ ନେଉଥିଲା ଟାଣି ।
କାଗଜର ଡଙ୍ଗା ଅଗଣାରେ ପୁଣି
ଖୁସିରେ ଭସାଉଥିଲୁ
ପାଣିର ଫୋଟକା ଆଙ୍ଗୁଳି ଟିପରେ
କେତେଯେ ମିଳାଉଥିଲୁ ।
ଚପଚପ ହୋଇ କାଦୁଅ ପାଣିରେ
କେତେ ଆମେ ଖେଳୁଥିଲୁ ।
ଝିପି ଝିପି ମେଘ ବରଷାରେ ପୁଣି
ଭିଜି ଭିଜି ବୁଲୁଥିଲୁ ।
ବରଷା ଛାଡ଼ିଲେ ଇନ୍ଦ୍ରଧନୁ ଦେଖି
ଖୁସି କେତେ ହେଉଥିଲୁ
ସ୍କୁଲ ଯେବେ ଆମ ଛୁଟି ହେଉଥିଲା
ଏକା ସାଥେ ଧାଉଁଥିଲୁ ।
ମନେପଡେ ଆଜି ସେହି ପିଲାଦିନ
ଅତୀତର ମଧୁଗୀତି
ବରଷା ଆସିଲେ ବେଶି ମନେପଡେ
ପିଲାଦିନର ସେ ସ୍ମୃତି ।


ପ୍ରଶାନ୍ତ କୁମାର ନାଥ
ସୁନ୍ଦରପୁର, ଉତ୍ତରକୂଳ ହାଟ୍, ପ୍ରୀତିପୁର, ଯାଜପୁର
ମୋ- ୦୮୮୯୨୩୦୧୧୪୩

0 Comments