ବଡଦାଣ୍ଡେ କାଳିଆ - ରମେଶ ଚନ୍ଦ୍ର ମିଶ୍ର

ବଡଦାଣ୍ଡେ କାଳିଆ - ରମେଶ ଚନ୍ଦ୍ର ମିଶ୍ର

ବଡଦାଣ୍ଡେ କାଳିଆ ମୋ ରଥେ ସବାର
ରାଜବେଶ ଦିଶେ ଆହା କେଡେ ସୁନ୍ଦର ।(୦)

ସେବକ ଗହଣେ କରେ ପହଣ୍ଡି ବିଜେ
ହଲିଝୁଲି ଆସେ ଦେଖ ଟାହିଆ ସାଜେ
ଖୋଳ ତାଳ ମୃଦଙ୍ଗରେ ଉଚ୍ଛୁଳେ ପୁର । (୧)
ବଡଦାଣ୍ଡେ କାଳିଆ ମୋ ରଥେ ସବାର......

ଜଗତ ଭକତ ମେଳେ ଆସଇ ଝୁଲି
ହରିବୋଲ ହୁଳହୁଳି ପଡେ ଉଚ୍ଛୁଳି
ବଡଦାଣ୍ଡେ ଆନନ୍ଦର ଉଠେ ଜୁଆର ।( ୨)
ବଡଦାଣ୍ଡେ କାଳିଆ ମୋ ରଥେ ସବାର .....

ଗୁଣ୍ଡିଚା ମାଆ ମନ୍ଦିର ଯିବାକୁ ମନ
ମାଉସୀ ଦେଖିବ ବୋଲି ମନ ଉଚ୍ଛନ୍ନ
କୁଣ୍ଡା ପୋଡପିଠାରେ ତା ମନ ବିଭୋର । (୩)
ବଡଦାଣ୍ଡେ କାଳିଆ ମୋ ରଥେ ସବାର ....

ପାପୀ ତପୀ ଦରଶନ କର ହେ କର
ପତିତ ତାରିବା ପାଇଁ ଘରୁ ବାହାର
ହରିନେବ ସବୁ ଦୁଃଖ, ଯେତେ ଜଞ୍ଜାଳ । ( ୪)
ବଡଦାଣ୍ଡେ କାଳିଆ ମୋ ରଥେ ସବାର ....


ତାପସ କୁଟୀର
ବଇଣ୍ଡା, ଅନୁଗୋଳ

1 Comments

  1. ଲକ୍ଷ୍ମୀନାରାୟଣ ପଟ୍ଟନାୟକJuly 14, 2018 at 10:43 PM

    ଜୟ ଜଗନ୍ନାଥ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।