ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ରଥ ଯାତରା - ଜିତେନ୍ଦ୍ର ସାହୁ

ରଥ ଯାତରା - ଜିତେନ୍ଦ୍ର ସାହୁ

ରଥପରେ ବସି ମରୁକି ସେ ହସି
କେମିତ ଚାହୁଁଛି କାଳିଆ ସୁନା,
ନଅଦିନ ପାଇଁ ଯିବ ବୋଲି ସେହି
ଲକ୍ଷ୍ମୀ ଠାକୁରାଣୀ ମାଆଙ୍କ ବିନା,,।।
ଥରୁଟିଏ ହେଲେ ଭାବୁନାହିଁ ଭଲେ
ଭକତଙ୍କ ଭିଡ ପାଖରେ ଦେଖି,
ମାଆଙ୍କୁ ଯେ ଛାଡି ନନ୍ଦିଘୋଷେ ଚଢି
ଆସୁଛି ଆନନ୍ଦେ ଝୁଲି ଚକାଆଖି,,।।
ଯାତରା ତାହାର ଲୀଳାବି ଅପାର
ସହଜେ ଗଡେନି ରଥର ଚକ,
ହରିବୋଲ କହି ହୁଳହୁଳି ଦେଇ
କହିପାରୁଥାଏ କଥାବି ମୁକ,,।।
ତତଲା ବାଲିର ଉତ୍ତାପେ ଭକ୍ତର
ପାଦକୁ ଲାଗେନି ଯମାରୁ ବାଧା,
ରଥ ଦଉଡିରେ ରଖି ହାତ ଧିରେ
ଟାଣିଦେଲେ ଦୁଃଖ ହୁଅଇ ଅଧା,,।।
ରାଜା ପରା ସିଏ ମନ ମୋହି ନିଏ
ଲଗାଇ ଭାବର କୁହୁକ ଅଠା,
ଯାଉଛି ଖାଇବ ମାଉସୀ ଖୋଇବ
ଦି'ଭାଇ ଭଉଣୀଙ୍କୁ ପୋଡ ପିଠା,,।।


ଜିତେନ୍ଦ୍ର ସାହୁ
ଏମ୍. ତେନ୍ତୁଳିଆ, ପୋଲସରା, ଗଞ୍ଜାମ

0 Comments