ହଜି ଯାଇଛି ମୋ ପ୍ରୀତିର ଠିକଣା - ଲକ୍ଷ୍ମୀନାରାୟଣ ପଟ୍ଟନାୟକ

ହଜି ଯାଇଛି ମୋ ପ୍ରୀତିର ଠିକଣା - ଲକ୍ଷ୍ମୀନାରାୟଣ ପଟ୍ଟନାୟକ


ଥିଲ ମୋ ପ୍ରେମର ଫୁଲ ବଗିଚାରେ
ହୋଇ ପ୍ରୀତି ଫୁଲଟିଏ
ମହକାଉ ଥିଲ ତୁମ ବାସନାରେ
ଦେଇ ପ୍ରେମ ମୂଲଟିଏ
ଶ୍ରାବଣରେ ଆମେ ଦୁହେଁ ଭିଜୁଥିଲେ
ବରଷାର ଧାରା ହୋଇ
ଫଗୁଣର ବାସ୍ନା ଚହଟାଉ ଥିଲା
ନେଉଥିଲା ମନ ମୋହି

କାଳ ବୈଶାଖୀ ତୁମେ ପାଲଟିବ
ଏକଥା ନଥିଲି ଜାଣି
କି ଲାଭ ପାଇଲ ନିଃସ୍ଵ କରି ମତେ
ଆଉ କାହା ମନ ଜିଣି
ପ୍ରୀତି ଉପବନ ନୀରବ ମଉନ
ଶୁଭୁନାହିଁ ସେ ରାଗିଣୀ
ହଜି ଯାଇଛି ମୋ ପ୍ରୀତିର ଠିକଣା
ନିଜକୁ ଶବ ଟେ ମଣି

ପ୍ରତୀକ୍ଷା ଯେ ମୋର ଜନ୍ମ ଜନ୍ମାନ୍ତର
ନାହିଁ ତିଳେ ଆବିଳତା
ଦେଖିନିଅ ଥରେ ମଶାଣି ଜୁଇରେ
ଜଳୁଛି ମୋହର ଚିତା


ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା
ଦୂରଭାଷ: ୯୮୬୧୬୧୬୧୨୬

1 Comments

  1. କବିତା ମନନଶୀଳ ଓ ହୃଦୟ ସ୍ପର୍ଶି

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।