ବଡ଼ ବନ୍ଧୁ ତୁମେ - ଘନଶ୍ୟାମ ସାହୁ

ବଡ଼ ବନ୍ଧୁ ତୁମେ - ଘନଶ୍ୟାମ ସାହୁ

ବଡ଼ଦାଣ୍ଡେ ରହି ବଡ଼ ଦୁଃଖୀ ଟିଏ
ବଡ଼ ପାଟିକରି ଡାକେ ମଣିମା
ବଡ଼ ଗହଳିରେ ଯାଇ ମୁଁ ନ ପାରେ
ବଡ଼ ଠାକୁର ହେ ବାରେ ଶୁଣିମା
ବଡ଼ ଆଶା ନେଇ
ବଡ଼ ଦେଉଳର ବଡ଼ ଦିଅଁ ତୁମେ
ବଡ଼ ଦମ୍ଭେ ଏକା ଆସିଛି ଧାଇଁ ।।୧।
ବଡ଼ ପରିବାରେ ଦେଇଛ ଜନମ
ବଡ଼ ବୋଝ ମୁଣ୍ଡେ ନାହିଁ ବିଶ୍ରାମ
ବଡ଼ ମାୟାର ଏ ଗୃହ ପରିବାର
ବଡ଼ ଜଞ୍ଜାଳର ଜ୍ୱ।ଳା ବିଷମ
ବଡ଼ କଷ୍ଟ ପାଇ
ବଡ଼ ଆଶ୍ରା ଆଶେ ଆସେ ତୁମ ପାଶେ
ବଡ଼ ବାନା ନୀଳଚକ୍ରକୁ ଚାହିଁ ।୨।
ବଡ଼ ବଡ଼ ନେତ୍ରେ ରହିଛ ଅନାଇଁ
ବଡ଼ ବିପତ୍ତିରୁ କରିଛ ରକ୍ଷା
ବଡ଼ ନୁହେଁ ମୋର ଗୁହାରି ତ କିଛି
ବଡ଼ ବନ୍ଧୁ ବୋଲି ପଡ଼ୁଛି ଡକା
ବଡ଼ ଭୂଜତଳେ
ବଡ଼ ଆଶା ଅଛି ଶରଣରେ ଥିବି
ବଡ଼ ଅନ୍ତଶ୍ୱାସ ଛାଡ଼ିଲା ବେଳେ ।।୩।


ଘନଶ୍ୟାମ ସାହୁ
ଯୁଗ୍ମ ସମ୍ପାଦକ-ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ- କିଶୋର ଗଞ୍ଜ, ଜିଲ୍ଲା-ଅନୁଗୋଳ,
ମୋବାଇଲ ନମ୍ବର- ୯୪୩୭୬୬୪୫୩୭
ପିନ୍ କୋଡ- ୭୫୯୧୨୭

2 Comments

  1. ଲକ୍ଷ୍ମୀନାରାୟଣ ପଟ୍ଟନାୟକJuly 15, 2018 at 12:23 AM

    ଜୟ ଜଗନ୍ନାଥ

    ReplyDelete
  2. Ghanashyam SahooJuly 15, 2018 at 1:19 AM

    ଜୟ ଜଗନ୍ନାଥ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।