ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଜଳୁଛି ମୁଁ ଦିନ ରାତି - ଜିତେନ୍ଦ୍ର ସାହୁ

ଜଳୁଛି ମୁଁ ଦିନ ରାତି - ଜିତେନ୍ଦ୍ର ସାହୁ

ଅସରା ଶ୍ରାବଣ ଲିଭେଇ ପାରୁନି
ବିରହ ଯନ୍ତ୍ରଣା ତାତି,
ତମେ ଗଲାପରେ ଓରେ ମୋ ସାଥିରେ
ଜଳୁଛି ମୁଁ ଦିନ ରାତି,,।।
ଆଖିରୁ ଝରୁଛି ଅଧର ପିଉଛି
ପଲକକୁ କରି ଓଦା,
ଛାତିର ଲହୁରେ ହୃଦୟ ତିନ୍ତୁଛି
ତଥାପି ଲାଗଇ ବାଧା,,
ଅଶାନ୍ତ କୋହର ଉଠୁଛି ଜୁଆର
ଲାଭା ସମ ଫୁଟି ଛାତି,,
ତମେ ଗଲାପରେ ଓରେ ମୋ ସାଥିରେ
ଜଳୁଛି ମୁଁ ଦିନ ରାତି,,।।
ଗରମ ରକତ ଫୁଟେ ଟକମକ
ସାରା ଧମନୀରେ ମୋର,
କାମିନୀ ବଶରୁ ମୋହିନୀ ଫାଶରୁ
ପାରୁନି ନିଜକୁ ଦୂର,,
କାଉଁରୀ କିମିଆ ସ୍ମିତହାସ୍ୟ ଛୁଆଁ
ଜାଗ୍ରତ କରାଏ ସ୍ମୃତି,,
ତମେ ଗଲାପରେ ଓରେ ମୋ ସାଥିରେ
ଜଳୁଛି ମୁଁ ଦିନ ରାତି,,।।


ଜିତେନ୍ଦ୍ର ସାହୁ
ଏମ୍.ତେନ୍ତୁଳିଆ, ପୋଲସରା, ଗଞ୍ଜାମ

0 Comments