ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଚାହୁଁଛି ବନ୍ଧୁତା ଟିକେ - ଜିତେନ୍ଦ୍ର ସାହୁ

ଚାହୁଁଛି ବନ୍ଧୁତା ଟିକେ - ଜିତେନ୍ଦ୍ର ସାହୁ

ତମେ କହିଦେଲ ତମ ମନକଥା
ମୁଁ ପାରିଲିନି କହି,
ତମେ ଚାଲିଗଲ ଛୁଇଁଦେଇ ମତେ
ମୁଁ ରହିଥିଲି ଚାହିଁ,,।।
ଜାଣେ ତମେ ମତେ ଭଲପାଅ କେତେ
ପାଇବା ଆଶାରଖି,
ମୁଁ କିନ୍ତୁ ଚାହୁଁଛି ବନ୍ଧୁତା ଟିକିଏ
କେବଳ ତମଠୁ ସଖି,,।।
ପ୍ରେମ ଆଜି ଅଛି କାଲିକି ନଥିବ
ବନ୍ଧୁତା ଚିରଦିନ,
ପ୍ରେମଠାରୁ ମିଠା ବନ୍ଧୁତାର ଛିଟା
ରଖେ ନିର୍ମଳ ମନ,,।।
ରହିଥାଅ ସଦା ପ୍ରେମିକା ନହେଇ
ବାନ୍ଧବୀଟିଏ ମୋର,
ସମ୍ପର୍କ ଆମର ଥିବ ଯେ ଅତୁଟ
ବାନ୍ଧି ପବିତ୍ର ଡୋର,,।।


ଜିତେନ୍ଦ୍ର ସାହୁ
ଏମ୍. ତେନ୍ତୁଳିଆ, ପୋଲସରା, ଗଞ୍ଜାମ

0 Comments