ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଫେରିଆସ ଗୋ ଶ୍ରାବଣୀ - ଜିତେନ୍ଦ୍ର ସାହୁ

ଫେରିଆସ ଗୋ ଶ୍ରାବଣୀ - ଜିତେନ୍ଦ୍ର ସାହୁ

ଶ୍ରାବଣୀ ଗୋ ତୁମେ ଶ୍ରାବଣ ସାଥିରେ
ଆସ ଆଉ ଥରେ ଫେରି,
ମନ ଆକାଶୁ ମୋ ବରଷିବ ନିତି
ଢାଳି ପ୍ରଣୟର ବାରି,,।।
ଭିଜୁଥିବି ସତେ ମିଶି ତୁମ ସାଥେ
ଛାଟୁଥିବ ତୁମେ ଛିଟା,
ଆଖିକୁ ଓଠକୁ ଚୁମି ଯାଉଥିବ
ଲାଗିବ ଯେ ଭାରି ମିଠା,,।।
କେତେ ଯେ ବରଷ ପାଇନି ପରଶ
ରହିଅଛ ଯାଇ ଦୂରେ,
ସେବେଠୁ ଭିଜିନି ବର୍ଷାକୁ ଖୋଜିନି
ରାଣ ତୁମେ ଗଲା ପରେ,,।।
ଶ୍ରାବଣ ସାଥିରେ ଆସିଛି ସତରେ
ଫୁଲେଇ ବରଷା ରାଣୀ,
ସେ ଛୁଇଁବା ଆଗୁ ତୁମ ଛିଟା ଲାଗୁ
ଫେରିଆସ ଗୋ ଶ୍ରାବଣୀ,,।।


ଜିତେନ୍ଦ୍ର ସାହୁ
ଏମ୍. ତେନ୍ତୁଳିଆ, ପୋଲସରା, ଗଞ୍ଜାମ

0 Comments