ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବେଳେ ବେଳେ ଭାରି ଇଚ୍ଛା ହୁଏ - ଗୋପାଳ ଚନ୍ଦ୍ର ସାଓ

ବେଳେ ବେଳେ ଭାରି ଇଚ୍ଛା ହୁଏ - ଗୋପାଳ ଚନ୍ଦ୍ର ସାଓ

ଅନୁକୂଳରେ ଯାଉ ଯଉ
ହଠାତ୍ ମନ ହୁଏ ଟିକେ
ପ୍ରତିକୂଳ ରେ ଲଢ଼ିବାକୁ
ବୁଲିଲା ବେଳକୁ
ପ୍ରଖର ସ୍ରୋତ ମାଡରେ
ମୋ ଶକ୍ତି ସବୁ ହାର ମାନିଲା ପରେ
ଇଚ୍ଛା କୁ ମାରି ଚୁପ୍ ଚାପ୍
ମୁଁ ଫେରି ଯାଏ...
ଏମିତି କେତେ ଦିନ ଆଉ ଚାଲିବି
ନିଜ ଇଚ୍ଛା ବିରୁଦ୍ଧରେ..?
ମନ ଭାରି ବ୍ୟସ୍ତ ହୁଏ
ପ୍ରତିକୂଳ ଚାଖିବାକୁ
ଏମିତି ସମୟ ଥରେ
ମୋ କାନ ଧରି କହିଲା
"ରେ ମୂର୍ଖ"
ତୋର କ'ଣ ଯୋଗ୍ୟତା ହେଇଛି
ନା ବୟସ ...
ଟିକେ ଧର୍ଯ୍ୟ ଧର
ଦେଖିବୁ ସବୁ ଠିକ୍ ହେଇଯିବ
ସେଇ ଦିନ ପାଖରୁ
ସମୟର ହାତ ଧରି
ସୁନା ପିଲାଟି ପରି ମୁଁ
ଅନୁକୂଳରେ ଚାଲିଛି...,ମାତ୍ର
ଅପେକ୍ଷା କରିଛି କେବେ
ପ୍ରତିକୂଳ ଆଡେ ଆସିବାକୁ
ଏ ସମୟ ଟା ମୋତେ
ହାତ ଠାରି ଆ କହୁଛି....?


ଗୋପାଳ ଚନ୍ଦ୍ର ସାଓ
ବାରିପଦା, ମୟୂରଭଞ୍ଜ

0 Comments