ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମାଆ (ଭାଗ-୨) - ପ୍ରୀତିପ୍ରିୟା ମହାନ୍ତି

ମାଆ (ଭାଗ-୨) - ପ୍ରୀତିପ୍ରିୟା ମହାନ୍ତି

ମା' ତ ମା' ବସୁଧା ମା'
ତୋ ପରି କେହି ନାହିଁ,
ଅଭାବ ସବୁ ପୂରୁଛୁ ତୁହି
ଇଚ୍ଛାକୁ ଆମ ଚାହିଁ।

ପଞ୍ଚଭୂତ ଅଟଇ ଗଢ଼ା
ତୋହରି ଉପସ୍ଥିତେ,
ଆତଯାତ ହୁଏ ତୋ'ପରେ
ସକଳ ପ୍ରାଣୀ ଯେତେ।

ଭାତ,ତିଅଣ,ଜାମା ଦରବ
ପାଉଛୁ ତୋ ପାଇଁ,
ତୋ ପରିକା ଦ୍ୱିତୀୟ କେହି
ଏ ଜଗତେ ନାହିଁ।

ତୋ ଉପରେ ଚାଲି ଶିଖିଲୁ
ଛାତିରେ ରଖି ପାଦ,
ସର୍ବଂସହା ସାଜିଛୁ ତୁ ମା'
ନାହିଁ ତୋ ପାଖେ ବାଦ।

ତୋ ଉପରେ ସୁପ୍ରାସାଦ
ହଉଛି ଦଣ୍ଡାୟମାନ,
ସବୁ ସହି ମା' କେମିତି ତୁ
ହୋଇଛୁ ବିଦ୍ୟମାନ।

ଉପରେ ତୋର ଖୋଳି ବିଦାରି
ଚାଷୀ କରୁଛି ଚାଷ,
ତଥାପି ମା' ଲୋ ନୀରବ ତୁହି
ନାହିଁ ତୋ ରାଗ ,ରୋଷ।

କରିଲେ ଯେତେ ଉପକାର ବି
ମଣିଷ ବୁଝେ ନାହିଁ,
ମାଟି ମା'ର କ୍ଷୟ ପାଇଁକି
ସେ ହିଁ ଏକା ଦାୟୀ।

ସଭିଏଁ ମିଶି ଶପଥ ନେବା
ହୋଇ ଏକ ପ୍ରାଣ,
ମାଟି ମା'ର ଯତନ କରି
କରିବା ସରଂକ୍ଷଣ।

0 Comments