ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବଜାର ବୁଲା - ଘନଶ୍ୟାମ ସାହୁ

ବଜାର ବୁଲା - ଘନଶ୍ୟାମ ସାହୁ

ଅତି ଚୁଲ୍ ବୁଲି ନାତୁଣୀ ଆମ ଗେହ୍ଲେଇ ରାଣୀ
ସାଇକେଲ୍ ରେ ସେ ବସିଛି ମୁଣ୍ଡେ ବାନ୍ଧିଛି ବେଣୀ ।
ବ୍ୟାଗ୍ ଟିଏ ସିଏ ଝୁଲାଇ ଟିକି ସାଇକେଲ ରେ
ଡାକେ ଯିବା ଅଜା ବଜାର ବସ ପଛ ସିଟ୍ ରେ ।
ସବୁଜ ତଟକା ପରିବା କିଣି ଆଣି ରଖିବା
ଦିଦି କହିଛନ୍ତି ଖାଇଲେ ଏହା ସୁସ୍ଥ ରହିବା ।
ତା ସହିତରେ ତଟକା ଫଳ ମୂଳ ଖାଇବା
ଭିଟାମିନ୍ ସବୁ ମିଳିବ ଦେହ ଭଲ ରଖିବା ।
କେବଳ ଖାଇଲେ ଦିନକୁ ଯିଏ ସେଓ ଗୋଟିଏ
ଶରୀର ରହିବ ନୀରୋଗ ତାର ଚିନ୍ତା ନଥାଏ।
ସୁଷମ ଖାଦ୍ୟକୁ ଖାଇଲେ ନିତି ଦେହକୁ ହିତ
ଶରୀର ବିକାଶ ହୋଇବ ରୋଗୁ ହୋଇବା ମୁକ୍ତ ।
ଖାଦ୍ୟ ସହିତରେ ନିହାତି ଆବଶ୍ୟକ ବ୍ୟାୟାମ
ଗଢ଼ିବାକୁ ହେବ ଶରୀର ଆମ ସୁସ୍ଥ ସୁଠାମ ।
ଶୁଣି କଥା ତାର କହିଲି ଯିବା ପାଦରେ ଚାଲି
ବ୍ୟାୟାମ ବି ହେବ ତା ସହ ଯିବା ବଜାର ବୁଲି ।
ଆବଶ୍ୟକ ମତେ ଜିନିଷ ପନିପରିବା ଫଳ
ବଜାରରୁ କିଣି ଆଣିଲୁ ମୋତେ ଲାଗିଲା ଭଲ ।


ଘନଶ୍ୟାମ ସାହୁ
ଯୁଗ୍ମ ସମ୍ପାଦକ- ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ:ଅ: କିଶୋର ଗଞ୍ଜ, ଜିଲ୍ଲା- ଅନୁଗୋଳ,
ମୋବାଇଲ ନମ୍ବର- ୯୪୩୭୬୬୪୫୩୭
ପିନ୍ କୋଡ- ୭୫୯୧୨୭

2 Comments

  1. Ramesh Chandra MishraJuly 21, 2018 at 1:13 AM

    ନାତୁଣୀ ସାଥିରେ ଗେଲ ହେଉଥା'
    ହସ କଉତୁକେ ଜ୍ଞାନ ବାଣ୍ଟୁଥା' ।
    ଭାଗ୍ଯ କରିଛ ହୋ !

    ReplyDelete
  2. Ghanashyam SahooJuly 21, 2018 at 6:48 PM

    ଧନ୍ୟବାଦ ବନ୍ଧୁ ।ତୁମର ଅଧାକୁ ମୋର ଅଧା

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।