Information

ଭସାଇ ନେବ ତୋ ବଡ଼ଦେଉଳର ମୋହ - ପ୍ରଫୁଲ୍ଲ ଚନ୍ଦ୍ର ମିଶ୍ର

ମୋ ଆଖିରେ ଭରି ଦେଇଛ ଠାକୁରେ
ସାତ ସାଗର ର ଲୁହ,
ମୋ ଅନ୍ତରେ ଭରି ରହିଛି ଅନେକ
ଅକୁହା ବେଦନା କୋହ,
କୋହ ଲୁହ ମୋର ଭସାଇବ ତୁମ
ବଡ଼ ଦେଉଳ ର ମୋହ । ମୋ ଆଖିରେ ଭରି ଦେଇଛ…।।

ପତିତପାବନ ବାନା ଉଡ଼ାଇ ହେ
ମୋ ପାଇଁ କିଆଁ ପଥର,
ମୁଖ କି ବଧିର ହେଲ ହେ କାଳିଆ
ଦୁଃଖ ନଯାଏ ମୋହର,
ଦୁଃଖ ଜଞ୍ଜାଳେ ମୋ ଅସରା ଜୀବନ
କେମିତି ସହିଛ କୁହ । ମୋ ଆଖିରେ ଭରି ଦେଇଛ…।।

ଆଉ କେତେ ଦୁଃଖ ଦେବ କଳା ଚାନ୍ଦ
କିଏ ଶୁଣିବ ଗୁହାରୀ,
ଦୀନନାଥ ବୋଲି ମରତେ କୁହନ୍ତି
ତୁମେ ବୈକୁଣ୍ଠ ବିହାରୀ,
ଆହେ ବିଶ୍ବପତି ଆଉକି ଦୁଃର୍ଗତି
ମୋ ପାଇଁ ରଖିଛ କୁହ । ମୋ ଆଖିରେ ଭରି ଦେଇଛ…।।

ମରି ମରି ଏବେ ବଞ୍ଚିଛି ଖାଲି ମୁଁ
ଲଭି ଅନେକ ଯାତନା,
ଏହା ତୁମ ଦାନ କିବା କୃତ୍ତକର୍ମ
ଭୁଞ୍ଜୁଅଛି କଳାକାହ୍ନା,
ପ୍ରଫୁଲ୍ଲ ତଥାପି ଛାଡ଼ିନି ଏବେବି
ତୁମ ଦରଶନ ମୋହ । ମୋ ଆଖିରେ ଭରି ଦେଇଛ…।।

Post a Comment