ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବିଶ୍ଵାସ - ରାଜେଶ ପୂଜାରୀ

ବିଶ୍ଵାସ - ରାଜେଶ ପୂଜାରୀ

ଯେତେବେଳ ଯାଏ
ବିଶ୍ବାସ ବଞ୍ଚିରହେ
ସବୁ ଠିକ୍ ଥାଏ
ନଚେତ୍ ଜମା ବଡ଼ କଥା ନୁହେଁ
ଆଞ୍ଜୁଳାଏ ବିଷାକ୍ତ ପବନରେ
ନିମିଷେକେ ହିମାଲୟ ଭାଙ୍ଗିବାକୁ
ଖଣ୍ଡ ବିଖଣ୍ଡିତ ହୋଇ ।

ମୁଁ ଶୂନ୍ୟ ଶୂନ୍ୟ
ମହା ଶୂନ୍ୟ
ମୋର ବୋଲି ନାହିଁ କିଛି
ଆଉ ମୋ ପାଖରେ
ଯାହାକୁ ମୋର ବୋଲି
ସବୁଆଡେ଼ ଗର୍ବ କରୁଥିଲି
ସେ ଉଡ଼ିଲା ଫୁର୍ କରି
ଦୋଛକିରେ ଛାଡ଼ି ମତେ
ବିଶ୍ବାସ ମୋ ମହୁମୁହାଣ
ହେଲା ଲହୁ ଲୁହାଣ
ନା'କହି ହୁଏ ନା'ସହି ହୁଏ
ବ୍ୟଥା ଯାହାକୁ ଯେତେ।

ବିଶ୍ବାସ ପ୍ରୀତିର ଅନ୍ୟ ଏକ ନାମ
ଭାବୁଥିଲି ବାଲ୍ୟକାଳରୁ,
ଅବିଶ୍ବାସେ ଶୀଳା ବିଶ୍ୱାସେ ଇଶ୍ଵର
ଶୁଣିଛି ଅନେକ ଠାରୁ।

ହେଲେ ତା'ସାଥିରେ
ସ୍ବାର୍ଥନ୍ଧତାର ଗଲିରେ
ମୁହାଁମୁହିଁ ହେଲି ଯେବେ
ବିଶ୍ବାସ ପାଖରୁ
ବିଶ୍ବାସ ଉଠିଗଲା ତେବେ।


କୁଶମେଲ, ଝାରସୁଗୁଡ଼ା