ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମହକେ ଦୁନିଆ ମୋର - ପ୍ରକାଶ କୁମାର ଚାନ୍ଦ

ମହକେ ଦୁନିଆ ମୋର - ପ୍ରକାଶ କୁମାର ଚାନ୍ଦ

ତୁମେ ହସିଦେଲେ ଫୁଲ ଫଗୁଣଟା
ଲାଜରେ ଝାଉଁଳି ଯାଏ
ତୁମେ ରୁଷିଗଲେ ମେଘ ଶ୍ରାବଣଟା
ଅଦିନରେ ଝରିଯାଏ। ।

ତୁମେ ଚାଲିଗଲେ ମାଟି ମହକଇ
ମହକେ ଦୁନିଆ ମୋର
ତୁମ ମିଠା କଥା ହୋଇ ସେ କବିତା
କଲମରୁ ଝରେ ମୋର
ତୁମେ ଗାଇ ଦେଲେ କୋଇଲିର ସ୍ୱର
କେଉଁଆଡ଼େ ହଜିଯାଏ
ତୁମେ ହସି ଦେଲେ....... ।।

ତୁମେ ଛୁଇଁ ଦେଲେ ଫୁଲ ପାଖୁଡାରୁ
ଝରିପଡେ ଯାଏ ମହୁ
ତୁମେ ଚାହିଁ ଦେଲେ ଜହ୍ନ ଲୁଚିଯାଏ
ପୂନେଇଁଟା ଥାଉ ଥାଉ
ତୁମେ ଆଙ୍କିଦେଲେ ଛଵିଟିଏ ସେ ତ
ଜିଇଁଥିବା ମନେହୁଏ
ତୁମେ ହସି ଦେଲେ.......

ତୁମ ଠାଣି ବାଣୀ ତୁମ ସେ ଚାହାଣୀ
ଛାତି ମୋର ଚିରିଦିଏ
ତୁମ ଓଢ଼ଣିରେ ଲକ୍ଷେ ପଦ୍ମ ଫୁଟେ
ମନକୁ ଚୋରେଇ ନିଏ
ତୁମରି ପାଇଁକି ଶାମୁକା ଗରଭେ
ମୋତି ଲୁଚି ରହିଥାଏ
ତୁମେ ହସିଦେଲେ......


ପ୍ରକାଶ କୁମାର ଚାନ୍ଦ
ଜୟପୁର ଶାସନ, ପିପିଲି, ପୁରୀ
ମୋ- ୯୮୫୩୩୫୪୯୩୮

0 Comments