ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବିରହଟା କେମିତିକା - ସିଦ୍ଧେଶ୍ଵର ତ୍ରିପାଠୀ

ବିରହଟା କେମିତିକା - ସିଦ୍ଧେଶ୍ଵର ତ୍ରିପାଠୀ

ଯେବେଠୁ ରହିବ ତୁମ ସାଥୀ ବିନା
ଦିନ ରାତି ଏକା ଏକା
ସେଦିନ ଜାଣିବ ଆଗୋ ପ୍ରିୟତମା
ବିରହଟା କେମିତିକା ।

ରାଜ ଉଆସରେ ରାଣୀ ସାଜିଥିବ
ଝୁଲୁଥିବ ଫୁଲ ଦୋଳି
ଗୋଲାପୀ ଓଠରୁ ହସ ଉଭେଇବ
ତୁମେ ଯାଉଥିବ ଜଳି ।

ଦେହ ଜଳୁଥିବ ମନ କୁହୁଳିବ
ଫଗୁଣ ଲାଗିବ ଫିକା
ସେଦିନ ଜାଣିବ ଆଗୋ ପ୍ରିୟତମା
ବିରହଟା କେମିତିକା - - - - - - -

ଅତୀତରେ ତୁମେ କେତେପ୍ରେମୀକଙ୍କ
ମନ ଦେଇଥିଲ ଜାଳି
ପଛ କଥା ଭାବି ଗୁମୁରି କାନ୍ଦିବ
ଆଖି ଲୁହ ଢାଳି ଢାଳି ।

ସେ ଲୁହ ଧାରରେ ମୋ ପାଇଁକି ଥିବ
ଦୁଇ ଟୋପାରୁ ଅଧିକା
ସେଦିନ ଜାଣିବ ଆଗୋ ପ୍ରିୟତମା
ବିରହଟା କେମିତିକା ।


ସିଦ୍ଧେଶ୍ବର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋର୍ଦ୍ଧା

0 Comments