Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ସେ କଳ୍ପତରୁ ସଖୀରେ - ପ୍ରଫୁଲ୍ଲ ଚନ୍ଦ୍ର ମିଶ୍ର

ବାଜଇ ଶଂଖ ମହୁରୀ , ଟମକ ନିଶାଣେ
ପଡେ ଉଛୁଳି , ସଖୀରେ , ବଡ଼ଦାଣ୍ଡ ଲାଗେ
ବଡ଼ ଗହଳି , ସଖୀରେ ।।

ମଣିମା ମଣିମା ଡାକ , ଡାକନ୍ତି ସେବକ
ଡାକେ ଡାହୁକ , ସଖୀରେ , ଡାକରେ ଉଛୁଳେ
ବ୍ରହ୍ମାଣ୍ଡ ଜାକ ,ସଖୀରେ ।।

ଦୀନ ବାନ୍ଧବ ମାଧବ , ମଧୁସୁଦନ ସେ
ମୋ ପ୍ରାଣ ଧବ , ସଖୀରେ , ତା ସେବାରେ ଯାଉ
ମୋ , ଜୀବନ ଜାକ , ସଖୀରେ ।।

ଆଜି ବାହୁଡ଼ା ଯାତରା , କଳା ବାମନ ମୋ
ଦିଶନ୍ତି ତୋରା , ସଖୀରେ , ନନ୍ଦିଘୋଷ ଦେଖ
ହୋଇଛି ଛିଡ଼ା , ସଖୀରେ ।।

ନାଗ,ଗନ୍ଧର୍ବ,କିନ୍ନର , ସ୍ଵର୍ଗୁ ଅପସରା
ହେଲେଣି ଠୁଳ , ସଖୀରେ ,ବିଜୟ କରିବେ
କଳା ଠାକୁର , ସଖୀରେ ।।

ମହାବାହୁ ମହାମେରୁ , ସୁନ୍ଦରାଚଳରୁ
ଶ୍ରୀବ୍ରହ୍ମ ଦାରୁ , ସଖୀରେ , ନୀଳାଚଳେ ଯିବେ
ସେ କଳ୍ପତରୁ , ସଖୀରେ ।।

କହଇ ପ୍ରଫୁଲ୍ଲ ଦ୍ୱିଜ , ଶରଣ ପଶିବା
ତା ପଦବ୍ରଜ , ସଖୀରେ , ଉଦ୍ଧାର କରିବେ
ସେ ଦେବରାଜ , ସଖୀରେ ।।

Post a Comment

0 Comments