Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ରାଇ ଦାମୋଦର - ପ୍ରଫୁଲ୍ଲ ଚନ୍ଦ୍ର ମିଶ୍ର

ଶୁଣ ଶୁଣ ରେ , ବୃନ୍ଦାବନେ ବଂଶୀ ବାଜଇ
ଦାମୋଦର ସଙ୍ଗେ ରାଇ କୁଞ୍ଜବନେ
ଦେଖ ରଙ୍ଗେ ରାସ ରଚଇ , ଶୁଣ ଶୁଣ ରେ… ।।

କେବେ ନିପମୂଳେ କୃଷ୍ଣ ତ୍ରୀଭଙ୍ଗି ରେ
ନବ ନଟବର ବେଶ
ରାଧା ରାଧା ବୋଲି ଡାକଇ ମୁରଲୀ
ନୀଳକଣ୍ଠ ନୃତ୍ୟ ରତ
କେଡେ ଭାଗ୍ୟବାନ ଏହି ବୃନ୍ଦାବନ
ମରତେ ବୈକୁଣ୍ଠ ଏହି , ଶୁଣ ରେ…।।

ଯମୁନାର ଜଳେ ନାବକେଳୀ କରେ
ନାଉରିଆ କଳା କାହ୍ନା
ଗୋପଗୋଇ ଦହି ବିକିବାକୁ ଗଲେ
ହଟହଟା କରେ ସିନା
ପ୍ରେମେ ମତୁଆଲା ସର୍ବେ ଗୋପବାଳା
ଦେଖିଲେ ହୁଅନ୍ତି ବାଇ , ଶୁଣ ଶୁଣ ରେ…।।

ଗୋପୀ ଙ୍କ ବସନ ଚୋରୀ କରି ପୁଣ
ନୀପଡାଳେ ବାନ୍ଧେ ନେଇ
ଚୋରୀ କରେ ସର ଲବଣୀ ଆବର
ବଢାଭାଙ୍ଗି ଖାଏ ଦହି
ତଥାପି ସେ ଗୋପ ଚନ୍ଦ୍ରମା ସ୍ବରୂପ
ରାଧା ପ୍ରାଣଧନ ସେହି , ଶୁଣ ଶୁଣ ରେ...।।

କେବେ ଗୋଗଷ୍ଠରେ ଗୋପାଳ ଙ୍କ ମେଳେ
କେବେ ଚନ୍ଦ୍ରସେଣା ଘରେ
କାଳିନ୍ଦୀ ହ୍ରଦରେ ବରଜ ଦାଣ୍ଡରେ
ନୂଆ ‌ନୂଆ ବେଶ ଧରେ
ପ୍ରଫୁଲ୍ଲ ଜୀବନେ ଆସି ଥରେ ଦିନେ
ତ୍ରାହିକର ଭାବଗ୍ରାହୀ, ହେ, ଶୁଣ ଶୁଣ ରେ…।।

Post a Comment

0 Comments