Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ଏଇ ରାତିଟା କେବଳ - ରାଜେଶ ପୂଜାରୀ

ଆସୁନ..
ଏଇ ରାତିଟା କେବଳ
ତା'ପରେ
ତୁମ ମୋ ଭିତରେ
ଅପହଞ୍ଚ ଦୂରତା
ଦୀପ ତଳ ଯେମିତି ଅନ୍ଧକାରେ।

ମୁଁ ସେମିତି ଥାଇ ବି କିଛି
ପାରିବିନି କରି
କିଂକର୍ତ୍ତବ୍ୟେ ଟୁକ୍ ଟୁକ୍ ଚାହାଁଚାହିଁ
ଅଚିହ୍ନା ଅଜଣା ପରି
ଉଭୟ ବଢ଼େଇବା ହାତ
ହେଲେ ପୁଣି ନେବା ଅପସାରି।

ଜଗିଅଛି ପ୍ରତ୍ୟହ ପ୍ରାୟେ
ତୁମ ଘର ପଛ ଆମ୍ବବଣେ ପ୍ରିୟେ
ଯେଉଁଠାରେ
ଅନ୍ତର୍ବେଦନା ଯେତେର ଭାଗବଣ୍ଟା କରି
ହାଓ୍ୱା ପରି ଉଶ୍ବାସ ହେଲା ପରେ
ତମ ଲାଜଲାଜ ହରିଣୀ ଆଖିରେ
ସଫା ବାରିହୁଏ
ନଦୀଟେ ସମୁଦ୍ରକୁ କୁଦି ପଡ଼ିବାର ବ୍ୟାକୁଳତା
ଯାହା ମୋ ମନରେ ଆଙ୍କିଦିଏ
ସ୍ବପ୍ନ ଓ ଅଭୀପ୍ସାର ଫେଣ୍ଟାଫେଣ୍ଟି ନକ୍ସାଟିଏ।

ଆସୁନ...
ଖେଳିବା-ବୁଲିବା
ହଜିବା-ଖୋଜିବା
ହସିବା-କାନ୍ଦିବା
ବିରଖତେଇ ଯିବା ଯାଏ
ଭୋର୍ ହେବା ଯାଏ।

କାହିଁକି ନା...
ସକାଳ ମୁରୁକି ହସିଲା କ୍ଷଣି
ତମେ ଆଉ ନଥିବ ତୁମେ ହୋଇ
ହୋଇ ସାରିଥିବ ଅନ୍ୟଏକ କୁଞ୍ଜବନ ରାଇ
ହେଲେ ବଂଶୀ ଶୁଭିବନି କି'
ନୂପୁର ଛିଡ଼ିବ ନାହିଁ।


କୁଶମେଲ, ଝାରସୁଗୁଡ଼ା

Post a Comment

0 Comments