ଅପ୍ରିୟ ସତ୍ୟ - ହୃଷିକେଶ ମିଶ୍ର

ଅପ୍ରିୟ ସତ୍ୟ - ହୃଷିକେଶ ମିଶ୍ର

ଏଇ ଯେ ଶରୀର କେଡେ ସୁକୁମାର
ନିଇତି ହୁଏ ସଜେଇ,
ଦୀପ ଲିଭିଯିବ ଅନ୍ଧାର ଘୋଟିବ
ମିଛରେ ହୁଏ ଫୁଲେଇ।

ଲୋଭ,ମୋହ, ମାୟା ଭ୍ରମରେ ଭ୍ରମୁଛି
ଭ୍ରମର ପରାଏ ହୋଇ,
ବିଭୁ ପ୍ରେମ ସବୁ ଭୁଲି ସେ ଗଲାଣି
କ୍ଷଣିକ ସୁଖକୁ ପାଇ।

ଜୀବନ ଭିତରେ ଅତି ସନ୍ତର୍ପରେ
ଅରଜିଲା ଯେଉଁ ଧନ,
ଶେଷ ସମୟରେ ଶୂନ୍ୟ ହେବ ସେ ତ
ନ ଭୋଗିବ ଚିରଦିନ।

ଦଇବ ଦଉଡି ଭୁଲି ସେ ଗଲାଣି
ମଣିଷ ଗାଈ ଟେ ହୋଇ,
ଜେଣି କି ଟାଣିବ ତେଣିକି ସେ ଯିବ
ଆଉ କିଛି ବାଟ ନାହିଁ।

ଅରଜିଲା ଯାହା ଧର୍ମେ ରହି ତାହା
ଶେଷ ସମୟକୁ ସାହା,
ମହାଯାତ୍ରା ତାର ସଫଳ ହୋଇବ
ଥିଲେ ପ୍ରଭୁଙ୍କର ଦୟା।

ସତେକି ମୁକତି ପାଇଁ ନିତି ନିତି
ଭଜୁଥାଏ ରାମନାମ
ସେ ନାମ ଭଜିଣ ପ୍ରଭୁ ଶ୍ରୀ ଚରଣେ
ବିଲୀନ ହେବାକୁ ମନ


ମିଶ୍ର ହୃଷିକେଶ
ଖଲ୍ଲିକୋଟ, ଗଂଜାମ
ମୋ- 9556756756

2 Comments

  1. ମିଶ୍ର ହୃଷିକେଶJuly 24, 2018 at 6:47 PM

    ଧନ୍ୟବାଦ ଭଉଣୀ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।