ଅଭିଶପ୍ତ ତପସ୍ଵୀ - ଲକ୍ଷ୍ମୀନାରାୟଣ ପଟ୍ଟନାୟକ

ଅଭିଶପ୍ତ ତପସ୍ଵୀ - ଲକ୍ଷ୍ମୀନାରାୟଣ ପଟ୍ଟନାୟକ


ନିଃସଙ୍ଗ ହୃଦୟ ଉପବନର
ଅଭିଶପ୍ତ ତପସ୍ଵୀଟିଏ ମୁଁ ଆଜି !
ଖୋଜୁଛି ସେଇ ଭଗ୍ନ ଅତୀତକୁ...
କେତେ ଯେ ଆଙ୍କିଥିଲ ତୁମେ ପ୍ରେମର ତୁଳୀକଳ୍ପ... ।

ଆଜି କିନ୍ତୁ,
ବୀସ୍ତିର୍ଣ୍ଣ ସାଗର ବେଳାର କାହାଣୀ ସବୁ
ଅସ୍ପଷ୍ଟ ହୋଇଗଲାଣି
ଅମାବାସ୍ୟାର ଉତ୍ତାଳ ତରଙ୍ଗରେ,
ତଥାପି ଲିଭୁନି ମନୁ
ଅବା, ହୋଇ ମୁଁ ପାରୁନି ନିର୍ମୋହ
କେବଳ ସେଇ ପ୍ରୀତିଭରା
ସଂଳାପକୁ ସାଉଁଟି ସାଉଁଟି
ପହଞ୍ଚିଛି ଆଜି ଦୂର ଦିଗବଳୟର
ଅନ୍ତହୀନ ଇଲାକାରେ... ।

କି ଲାଭ ପାଇଲ ଅବା
ସଜେଇ ଦେଇ ତପସ୍ଵୀଟିଏ
ଏଇ ଭଙ୍ଗାମନର ଉପବନରେ... ?
ନା ହୋଇ ପାରୁଛି ଉପଶମ
ମୋ କ୍ଷତାକ୍ତ ହୃଦୟର... !
ନା ମିଳୁଛି ମତେ ମୋ ସାଧନାର ପ୍ରାପ୍ତି !!

1 Comments

  1. ଶବ୍ଦ ଆଉ ଭାବାବେଗରେ ନିର୍ମିତ ସୁନ୍ଦର ତାଜ୍ ଟିଏ ପରି ମନେହେଲା ମତେ
    ପଢିପ ବହୁତ ଖୁସି ହେଲି

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।